CHMP издало позитивно мислење за ажурирање на индикацијата за лекот интерферон бета (IFN-b)
Скопје, 07.10.2019 година
Неодамна, Комитетот за лекови за хумана употреба (анг. CHMP, Committee for Medicinal Products for Human Use) при Европската агенција за лекови (анг. EMA, European Medicines Agency) препорача отстранување на контраиндикациите за бременост за веќе одобрениoт лек, интерферон бета (IFN-b), кај жени со релапсна-ремитентна мултипла склероза.
Во соопштението на ЕМА се вели дека, Комитетот дал позитивно мислење за ажурирање на индикацијата за лекот Rebif®, со цел жените со релапсна-ремитентна мултипла склероза да можат да го продолжат третманот за време на бременоста и додека дојат, доколку тоа е клинички потребно.
Компанијата произведувач, изјави дека мислењето на CHMP е засновано врз податоци кои не укажуваат на зголемен ризик од тешки вродени аномалии по користење на лекот во тек на првиот триместар од бременоста и дека нивото на лек кое се излачува во мајчиното млеко е занемарливо. Се очекува, Европската агенција за лекови до крајот на оваа година да ја прифати одлуката на CHMP и да го ажурира збирниот извештај за особините за лекот.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.