Што би сакале да слушнеме
Главата може да не заболи од толку нешта кои луѓето ненамерно ни ги кажуваат нам, лицата со хронична болест. Често, нашите пријатели и најблиски сакаат да ни дадат поддршка, да не охрабрат но, наместо тоа тие ненамерно може да нè навредат, да нè налутат или да покажат дека не ја разбираат нашата состојба.
Не е едноставно да имате убаво мислење за себе кога боледувате од мултипла склероза (МС)
Кога живеете со хронична болест како што е мултипла склероза, станува тешко да се чувствувате позитивно во врска со себе и вашата состојба. Можеби кога некој ќе рече: „но, вие изгледате толку добро“, или „не изгледате уморно или болно“, не мисли дека се сомнева во тоа како се чувствувате. Можеби навистина се обидува да направи да се чувствувате добро.
Сакаме останатите да имаат разбирање
Иако сакаме другите да бидат полни со разбирање и емпатија, важно е да ги слушаме коментарите со наши уши. Всушност, можеби ќе треба да научиме како да слушаме но, тоа е тема за другпат.
Совети за пријателите и семејството
Неколку пријатели и членови на семејствата на лица кои живеат со МС, побараа информации околу тоа што би било прикладно да му се каже на некој со МС. Постои желба, темата „што да НЕ се каже” да се замени со „како да се даде поддршка на лице со МС”.
Работи кои би сакал да ги слушнам
Кога првпат помислив на ова, тестирав различни фрази врз себе. Не беше лесно да се излезе со пропишани зборови и да се сугерира како вие, читателот, треба да разговарате со вашиот пријател или сакана личност која има MС. Наместо тоа, сакам да споделам некои фрази или прашања кои јас сакам да ги слушнам од оние околу мене.
Што да кажете некому со МС?
„Немам MС, па не знам точно низ што поминувате, но би сакал да научам повеќе. Како влијае МС врз вас? “
„Те молам кажи ми ако можам некако да помогнам”
„Разбирам дека изгледот можеби не се совпаѓа со тоа како се чувствувате. Дали би сакале да зборуваме за тоа како сте, како живеете во последно време? “
„Ние многу би сакале да ни се придружите, да се запознаеме, да присуствувате на некој настан но, ако не сте во можност, ќе разбереме. Без притисок, само известете не во случај да сте спречени, како би можеле да се прилагодиме”.
„Дали има нешто што треба да знам или нешто на што можеби не помислив, што би ви го олеснило учеството?“ – како одговор на коментар од типот „денес сум многу уморен“.
„Многу ми е жал што денеска не се чувствувате добро. И јас не сакам да се чувствувам уморен, но знам дека мојот замор не е сосема ист со вашиот. Се надевам утре ќе се чувствувате подобро“.
Или едноставно, „Жал ми е што денеска вака се чувствувате. Се надевам дека утре ќе се чувствувате подобро“.
Што е заедничко на секоја од овие изјави?
Тие демонстрираат отвореност да ја сослушате личноста, и покажуваат дека сакате да се дружите со лицето на начин кој ги поддржува неговите / нејзините потреби. Тие не сугерираат дека лицето со МС треба да стори нешто специфично за да ја „поправи“ или да ја подобри својата болест. Исто така, со овие изјави не се обидувате да покажете емпатија изјавувајќи дека ја разбирате ситуацијата на лицето, само затоа што доживувате нешто слично. Наместо тоа, овие прашања / изјави изразуваат разбирање дека целосно не знаете, но искрено доволно се грижите за да научите.
Извор: https://multiplesclerosis.net/living-with-ms/what-id-like-to-hear-you-say/
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.