CHMP издало позитивно мислење за ажурирање на индикацијата за лекот интерферон бета
Скопје, 18.10.019 година
Комитетот за лекови за хумана употреба (анг. CHMP, Committee for Medicinal Products for Human Use) при Европската агенција за лекови (анг. EMA, European Medicines Agency) неодамна препорача отстранување на контраиндикациите за бременост за веќе одобрените лекови, интерферон бета (IFN-b), кај жени со релапсна-ремитентна форма на мултипла склероза.
Во соопштението се вели дека, Комитетот дал позитивно мислење за ажурирање на индикацијата за лекот Avonex®, со цел жените со релапсна-ремитентна мултипла склероза да можат да го продолжат третманот за време на бременоста, доколку тоа е клинички потребно, и додека дојат.
Kомпаниjaта производител, изјави дека мислењето на CHMP е засновано врз податоци кои не укажуваат на зголемен ризик од тешки вродени аномалии по користење на лекот во тек на првиот триместар од бременоста и дека нивото на лек кое се излачува во мајчиното млеко е занемарливо.
Се надеваме дека Агенцијата за лекови и медицински средства (МАЛМЕД), ќе ја одобри и оваа употреба кај нас.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.