Совети за справување со стрес кај мултипла склероза
Имаме мултипла склероза (МС) и знаеме дека кога сме под стрес, не се чувствуваме добро. Стресот ги влошува симптомите на МС. Интересно е да се напомене дека неколку студии покажуваат дека колку подобро се справуваме со стресот, толку е помала веројатноста да имаме релапси (напади).
Зошто стресот би бил толку поврзан со МС? Ќе започнеме со објаснување што се случува со телото кога согледува закана.
Кога телото е под стрес, симпатичниот дел од централниот нервен систем се подготвува. Овој механизам е познат како одговор на телото „борба или лет“. На пример замислете дека наидувате на тигар во дивина. Крвта забрзано се влева кон срцето, белите дробови, рацете и нозете, а вашите сетила се изоструваат, така што имаат најдобри шанси за борба или трчање.
Како редовно очекуван одговор на стрес, ЦНС треба да се исклучи кога заканата ќе заврши и ќе му се предаде на парасимпатичниот дел од нервниот систем. Со хроничен (тековен) стрес, телото не успева да го стори тоа и како резултат на тоа телото може да реагира со појава на хронични здравствени проблеми. Хроничниот стрес не и помага на вашата МС.
Со цел добро менаџирање на стресот еве неколку совети што можат да му помогнат на вашето тело да го исклучи ЦНС:
Дишењето од дијафрагма е практика на бавно, длабоко дишење со стомакот. Погледнете на интернет ако ви требаат инструкции. Многумина од нас практикуваат плитко дишење, а тоа значи дека ЦНС останува вклучен. Започнете со 20 бавни длабоки вдишувања секое утро после будење, дури и кога лежите во кревет. Ставањето на рацете на стомакот може да ви помогне да се поврзете со она што го прават белите дробови. Откако почесто ќе го вежбате ова, почесто ќе дишете на овој начин.
Свесно дозволете си да се опуштите и свесно кажете си дека сè ќе биде добро. Убавите, позитивни мисли ќе го намалат стресот. Кога ќе си го повторите и кажете неколку пати, вашето тело ќе почне да верува во тоа.
Обидете се со умствена пракса како медитација, јога, пилатес, таи-чи. Овие практики се базираат на дишење, истото длабоко бавно дишење што го опишав погоре.
Направете го она што е од полза на вашето тело и ум – патувајте некаде во природа, слушајте мирна, релаксирачка музика, читајте добра книга, седете надвор во градината. Сето ова ќе ви помогне да се опуштите.
Дозволете си бања со потхранувачки соли, вклучете го еден час дифузерот со масло од лаванда, релаксирајте се со масажа.
Поминете време со најблиските и луѓето кои ја хранат вашата душа.
Ви предлагаме неколку одлични ресурси. Веб страниците https://www.headspace.com/ и https://www.calm.com/ се апликации кои нудат инструкции за медитација.
Погледнете во вашата локална библиотека, можеби ќе најдете некоја книга за мотивација и медитација.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.