Мултипла склероза низ очите на децата
Дијагностицирањето на мултипла склероза (МС) е огромна животна промена, не само за болното лице, туку и за целото негово/нејзино семејство. Иако секоја личност се справува на поинаков начин, децата најчесто доживуваат најголеми разлики во начинот на кој се справуваат. Како родител, природно е да сакате да го заштитите вашето дете од справување со суровата реалност на болеста. Додека ги менаџирате симптомите и се справувате со дијагнозата, веројатно ве загрижува и животот на вашите деца. Она што не сфаќате, сепак е дека вашето дете може далеку подобро да ја прифати МС од вас самите. Погледнувајќи го светот преку нивните очи дури може и да ви помогне да научите нешто за вашата реакција на болеста.
„Кога ми беше дијагностициранa МС, ќерка ми Ема имаше само четири години. Нејзиниот татко Тони и јас ѝ објаснивме најдобро што можеме за МС, но не бевме баш сигурни колку разбра. Да бидам искрена во тоа време не се справував најдобро, така што веројатно не бев најдобрата личност за работата. Во тоа време, открив дека нејзиниот татко е тој што се грижеше за нејзината емоционална благосостојба. Тој ја имаше тешката задача да го чува нашето семејство. Тој не доби помош или благодарност од мене, бидејќи јас бев цврсто затворена во циклус на гнев и болка.
Иако можеби мислите дека ова влијаеше врз Ема, таа се справи со тоа многу подобро отколку што очекувавме. Кога нејзиниот татко ја праша како се чувствува по однос на мојата состојба на вознемиреност и лутина, Ема, во својата четиригодишна мудрост, го извести нејзиниот татко, „тоа не е мама, тоа е МС“.
Гледано низ годините, МС никогаш немала негативно влијание врз Ема. Секоја година кога после летните одмори се враќаше на училиште, таа секогаш раскажуваше на својата нова учителка за мојот матичен лекар. Еден ден, ја прашав зошто го прави ова. Таа ми рече дека чувствува дека е нејзина работа да ги едуцира луѓето за МС. Таа исто така беше многу отворена со своите училишни пријатели за тоа, така што, за неа, многу е нормално да се живее со МС.
Што се однесува до себе, се чувствувам како да пораснав со МС. Јас не сум истата личност што бев кога прв пат ми беше дијагностицирана пред девет години. За почетниците, јас веќе не сум таа лута, исплашена личност што бев кога првпат ми беше дијагностицирана. Да, ги имам моите лоши денови, но решена сум да не дозволам болеста да ме дефинира. Јас сум повеќе од болест. Јас сум повеќе од мојата МС. Прво и најважно, јас сум мајка и партнер. Мојот приоритет е на моето семејство. МС е само испакнатина на патот. Не може да го преземе целиот мој живот.
Гледајќи како ќерка ми се соочува со МС, научив многу. Секогаш кога ќе поминеме низ тешко време, таа се издига над тоа. Како возрасни личности, мислам дека не сме доволни уверени во способностите на децата – тие се поотпорни отколку што мислиме и сакаат само да бидат таму за нас. Во најголем дел, МС не менува како нè гледаат – ние сè уште сме мама или тато; тетка или чичко; баба или дедо. Сега, на 13 години, Ема има многу повеќе причини да го окупира својот ум отколку со МС. Интернет, шопинг и одење на кино со нејзините пријатели се голем дел од нејзиниот живот. Но, не и момчиња. Барем јас така си мислам.“
Извор: https://www.livinglikeyou.com/article/ms-through-a-childs-eyes
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.