Сè што треба да знаете за нервите
Нервите се одговорни за пренос на сигнали помеѓу централниот нервен систем (ЦНС) и периферниот нервен систем (ПНС). За да разбереме како функционира нервниот систем можеме да го споредиме со дрво, нервите се оние што носат вода од земјата низ корените и трупот на дрвото и во гранките, што резултира со убави зелени лисја. Сега, заменете ја „водата“ со хемиски и електрични сигнали и прилично сте ја сфатиле работата. МС е насочена кон нашите нерви, затоа е важно да разберете како тие работат ако сакате да ја разберете МС.
Среќа за нас, сите нормални нерви имаат три заеднички работи:
# 1 Нервите се темпераментни
Тие се како таа дама во салонот за нокти што знае сè за секого и возбудено озборува пред секој што ја слуша. Сензорните нерви препознаваат работи како топлина и глад и се возбудуваат толку многу што создаваат електрична струја. Овој електричен сигнал брзо алармира серија нерви кон ЦНС за да може да се преземе акција.
# 2 Нервите се спроведувачи
Работа на електричен кабел е да добие електрична енергија од штекерот до телевизор за да можеме да ја гледаме нашата омилена емисија. Слично на тоа, нервот мора да зема електрични сигнали и да ги спроведува од клетка до клетка со цел да ги заврши основните задачи како дишење, варење на храната, движење на мускулите и одржување на срцето.
# 3 Нервите ослободуваат хемикалии!
Нервите се кратки, затоа е потребен синџир од нив за да се помине доволно растојание. Ова значи дека тие некако мора да го донесат својот електричен сигнал до следниот нерв за да го задржат континуитетот на сигналот. Тие го прават тоа со ослободување на хемикалии познати како невротрансмитери. Невротрансмитерите можат да го прескокнат јазот помеѓу нервите и да го одржуваат електричниот сигнал. Можеби сте чуле за некои вообичаени невротрансмитери како што се серотонин и допамин. Ви нацртав мала слика за да можете да видите како еден нерв го активира следниот за да формира верижна реакција:
Како еден нерв го активира следниот
На сликата, жолтите овали се миелин. Миелинот формира заштитен слој кој делува слично на гумената изолација околу електричните жици. Во ЦНС, миелинот е направен од посебен вид на клетка наречена олигодендроцит. Олигодендроцитите произведуваат миелин и го обвиткуваат околу нервите за да можат правилно да спроведуваат електрични сигнали. МС ги напаѓа и олигодендроцитите и миелинот. Ова е двојна штета затоа што не само што го оштетува постоечкиот миелин, туку го инхибира и производството на нов миелин.
Со МС, нашите нерви се излитени и несигурни
Сега, како тоа поедноставно би го разбрале? Да искористиме како пример полнач за мобилен телефон чија жица е изгризана од глувче! Морате да се ослободите од тој полнач, затоа што повеќе не го полни вашиот телефон и не би сакале да ризикувате опасност од пожар! МС е ист вид на ситуација. Обвивката на миелинот се џвака, оставајќи ги соголени внатрешните жици на нервот. Некои електрични сигнали може да поминат, но во целина жицата е излитена и несигурна. Со текот на времето, ткивото со лузни се формира околу оштетувањето (поради што буквалниот превод за MС е „повеќе лузни“). Ова ткиво со лузни е она што можеме да го видиме во форма на лезии при скенирање со МР.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.