Неодамнешните студии покажаа дека бројот на жените е можеби четири пати повисок од мажите
Инциденцата на новодијагностицирани жени можеби е за четири пати повисока од кај мажите
Како хронична воспалителна болест, мултиплата склероза влијае на мозокот, ’рбетниот мозок и оптичкиот нерв и ја пореметува функцијата на централниот нервен систем. Имунолошкиот систем ги напаѓа нервните влакна предизвикувајќи воспаление кое влијае на преносот на електричните сигнали во централниот нервен систем.
Овие нарушувања предизвикуваат проблеми во комуникацијата помеѓу мозокот и остатокот од телото, предизвикувајќи различни симптоми, вкочанетост или трнење, заматен вид, двојна слика или губиток на видот, замор, нестабилност при движење, депресија, тешкотии во концентрацијата, слабост итн. Причината за оваа „болест со илјада лица“ не се знае, но познати се дел од факторите на ризик: возраст (често се дијагностицира помеѓу 20 и 40 години), раса, пол, недостиг на витамин Д, инфекција со EBV и други.
Врска помеѓу мултипла склероза и хормоните
Бројот на лица со мултипла склероза е повисок кај жените, но проценките варираат бидејќи податоците тешко се собираат. Се верува дека болеста е два до три пати почеста кај жените кое укажува на тоа дека хормоните сигурно играат улога. Една неодамнешна студија покажа дека бројот на жените е можеби за четири пати повисок отколку од мажите.
Во тек на бременоста кај некои жени е забележано намалување на бројот на симптоми (релапси) но симптомите може да се влошат после породување. Една студија кај жени во менопауза, покажа дека симптомите значително се подобруваат со влегување во менопауза. Иако се чини дека врската меѓу МС и хормоните е голема, има уште многу за истражување на оваа комплексна болест.
Едно истражување во Универзитет во Вашингтон покажало дека женскиот мозок ги обработува одредени протеини поинаку од машкиот. Единственото нешто што се знае е дека MС е комплицирана хронична болест која тешко се дијагностицира и текот на болеста е непредвидлив. Се уште има повеќе прашања отколку одговори, но денес со сигурност знаеме дека бројот на жените со МС е поголем од бројот на мажи со МС.