Алкохол и мултипла склероза
Мултипла склероза (МС) е невролошка болест која предизвикува симптоми како што се проблеми со сензација и движење, зголемено ниво на болка, замор и депресија. Симптомите на МС обично се влошуваат во периодите на релапс, со релативно здрави периоди помеѓу релапсите.
Важно е лицето кое има МС да донесе здрави одлуки и да го одржи своето оптимално ниво на функционирање. За да се одржи најздравиот можен животен стил, важно е да се разберат ефектите што ги има алкохолот врз некое лице со МС.
Дали алкохолот влијае на влошување на симптомите на МС?
Некои студии сугерираат дека користењето на алкохол предизвикува намалување на прогресијата на болеста и го забавува развојот на симптомите што може да се појават кај МС.
Сепак, алкохолот може негативно да влијае врз некои од несаканите ефекти на МС. Еден таков несакан ефект е намалена количина на сон. Луѓето со МС често доживуваат слаб квалитет на сон и заморот е најчесто пријавуван симптом на МС. Додека алкохолот може да ве заспие, тоа не создава одморен сон. Пиењето алкохол може да го влоши квалитетот на сон што го добивате и да доведе до зголемен замор.
Друго потенцијално разгледување се ефектите што можат да бидат предизвикани од мешање алкохол со лековите кои се користат за лекување на МС. Алкохолот создава неколку потенцијално опасни несакани ефекти кога се меша со одредени лекови. Консултирајте се со доктор пред да измешате алкохол со какви било лекови.
Дали луѓето со МС пијат за да се справат со симптомите?
Некои луѓе пијат алкохол како начин за справување со симптомите на МС. Една мала студија покажа дека користењето алкохол ја намалува веројатноста за инвалидитет со МС. Но, додека некои симптоми, како што е болката, можат привремено да се подобрат со употреба на алкохол, постои ризик дека кај некои од другите постојни симптоми употребата на алкохол може негативно да влијае.
Нема големи истражувања кои покажуваат дека пиењето ги подобрува симптомите на МС и доколку користите алкохол за да се справите со симптомите на МС, треба да разговарате со вашиот доктор за да видите дали има опции за третман кои можат да избегнат некои од долгорочните ефекти на употреба на алкохол. Од друга страна пиењето алкохол, може да предизвика развој на зависност од алкохол.
Дали алкохолизмот може да предизвика MС?
Некои студии покажуваат дека користењето на алкохол може да го намали ризикот од развој на МС. Овие студии имаат тенденција да бидат помали и има одредена дебата за тоа колку се точни. Една неодамнешна и поголема студија спроведе анкета на над десет илјади луѓе и покажа дека злоупотребата на алкохол ги зголемува долгорочните ризици од МС.
Доказите упатуваат дека поголеми количини на алкохол или почеста употреба, претставува нешто што го зголемува ризикот од развој на МС. Додека се смета дека околината и генетските предиспозиции се можни причини за МС, најбезбедна опција би била да избегнете употреба на алкохол доколку сте загрижени за развој на МС во иднина.
Клучни точки: МС и алкохол
Алкохолот може да има позитивни ефекти врз некои од симптомите на МС, но ризиците од употреба на алкохол со МС се премногу високи. Лековите веројатно се поефикасни од користењето алкохол за лекување на симптомите. Некои од клучните точки за односот помеѓу МС и алкохол вклучуваат:
- употребата на алкохол може дополнително да го наруши сонот за лицата со МС;
- употребата на алкохол може да предизвика сериозен замор кај лицата со МС;
- алкохолот помешан со медикаментозни лекови може да предизвика негативни несакани ефекти;
- алкохолот може да ублажи некои симптоми, но лековите се поефикасни;
- постојат спротивставени докази за тоа дали употребата на алкохол влијае на ризикот од развој на МС;
- најсилните докази покажуваат дека злоупотребата на алкохол може да го зголеми ризикот од заболување од МС.
Додека студиите за ефектите од консумирање алкохол кај лица со МС продолжуваат, најдобро е да избегнувате употреба на алкохол доколку имате МС. Секогаш консултирајте се со вашиот лекар.
Ако вие или некој близок продолжувате да користите алкохол иако има негативни ефекти врз вашето здравје, размислете да побарате професионална помош.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.