Меѓународен ден на лицата со попреченост
Денес, 3. декември, се одбележува Меѓународниот ден на лицата со попреченост (анг. International Day of Persons with Disabilities, IDPD).
На овој ден Светската здравствена организација (СЗО) им се придружува на партнерите во прослава на „денот за сите“. Оваа тема го одразува растечкото разбирање дека попреченоста е дел од човечката состојба. Скоро секој ќе биде привремено или трајно оштетен во одреден момент од животот. И покрај ова, малку земји имаат соодветни механизми за целосно да одговорат на потребите на лицата со попреченост.
Во 2020 година, темата на ООН беше „Да се вратиме кон подобро: кон инклузивен, пристапен и одржлив свет по COVID-19“. СЗО ја поддржа оваа тема подвлекувајќи ја важноста за поттикнување на инклузивна култура и одговор на итните потреби на лицата со попреченост во сите аспекти на општеството, особено за време на пандемијата на COVID-19.
Клучни пораки
- Попреченоста е дел од човечкото искуство.
- CЗО признава дека свет каде сите луѓе достигнуваат највисок можен стандард за здравје и благосостојба е можен само ако здравствените системи вклучуваат лица со попреченост.
- Луѓето со попреченост биле меѓу најранливата популација за време на моменталната пандемија на COVID-19 како резултат на многу здравствени, социјални и еколошки бариери, дискриминаторски ставови и недостапна инфраструктура.
- Пандемијата COVID-19 дава единствена можност подобро да ги градиме нашите здравствени системи, така што тие ќе бидат инклузивни и ќе одговорат на потребите и човековите права на лицата со попреченост со сета нивна разновидност.
- Земјите треба да се насочат кон систем на испорака на услуги препознаен во заедниците, да ги достигнат потребите и да ја зајакнат улогата на лицата со попреченост.