Interferon beta може да се користи за време на бременост и доење

МС Македонија
октомври 24, 2019

Скопје, 24. октомври 2019 година

Bayer доби позитивно мислење од Комитетот за лекови за хумана употреба (анг. CHMP, Committee for Medicinal Products for Human Use) при Европската агенција за лекови (анг. EMA, European Medicines Agency) за промена на информациите за лекот interferon beta со ажурирање на информациите за бременост и доење.

Позитивно мислење од Комитетот се базира на податоците од две големи студии со податоци од дата бази: Европскиот регистар за бремени пациентки со мултипла склероза кои примиле терапија со interferon beta (IFNß) и регистри на пациенти од Финска и Шведска.

Податоците од студиите на повеќе од 1000 бремености покажаа дека третманот со interferon beta нема негативни ефекти кога се користи пред бременоста и/или за време на првиот триместар.

Како резултат на тоа, според новите информации за лекот Betaferon®, може да се користи за време на бременост и доење ако тоа е клинички индицирано.

Извор: Соопштение за јавноста, Bayer
 
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.