БЕСПЛАТЕН ГРАДСКИ ПРЕВОЗ НА ПОДРАЧЈЕТО НА ГРАД СКОПЈЕ ЗА 2021 ГОДИНА
Националното здружение за помош и поддршка на лица со мултипла склероза информира дека членовите на Националното здружение за МС (со постојано место на живеење во Скопје), кои во пропишаниот рок поднесоа уредна документација го остварија правото за користење на бесплатен градски превоз за 2021 година на подрачјето на град Скопје.
Електронските персонализирани картички беа подигнати од дирекцијата на ЈСП Скопје на 28.12.2020 година, така што корисниците во 2021 година можат веднаш да започнат со нивна употреба.
Посебно нè радува фактот што оваа година документи за остварување на ова право поднесоа три пати повеќе членови во споредба со предходната година. Тоа докажува дека сме сериозен правен ентитет кој ја ужива довербата кај своите членови.
Како и минатата година, така и оваа финансискиот надоместок за изработка на нови песонализирани електронски картички за бесплатен превоз, целосно го подмири Националното здружение за МС, согласно донесената Одлука од Собранието на Националното здружение (број 0201-35/6 од 28.12.2019 година).
Оваа придобивка можат да ја користат само лицата со живеалиште на подрачјето на Скопје, согласно донесена Програма за повластено користење на јавниот градски превоз од страна на лица со посебни потреби во 2021 година, усвоена од страна на Советот на Град Скопје.
Националното здружение за помош и поддршка на лица со мултипла склероза ќе продолжи со своите програмски активности во интерес на лицата со МС со цел навремено и ефикасно остварување на нивните повластувања, придобивки и права.