Менопаузата може да го забрза оштетувањето на нервите кај МС

МС Македонија
февруари 5, 2026

Резултатите од ново истражување укажуваат дека менопаузата може да ја забрза прогресијата на мултипла склероза (МС). Истражувачите откриле дека по менопаузата, кај жените со МС се забележува побрз пад на невролошката (мозочна и нервна) функција, како и зголемување на маркерите за оштетување на нервите.

Студијата анализирала податоци од 184 жени со МС во постменопауза, кои биле следени во просек 13 години. Користејќи ја проценката Multiple Sclerosis Functional Composite, истражувачите утврдиле влошување во следните области:

  • брзина на одење
  • фина моторика (спретност и контрола на рацете)
  • когнитивни способности, вклучувајќи обработка на информации и работна меморија

Дополнително, преку крвни анализи било забележано зголемување на нивото на серумски неурофиламент лесен ланец (sNfL) – биомаркер што укажува на оштетување на нервите.

Разговарајте со вашиот лекар за менопаузата!

Хормоналните промени за време на менопаузата може да влијаат врз способноста на нервниот систем да се обновува, што може да придонесе за влошување на симптомите на МС. Иако се потребни дополнителни истражувања, овие наоди укажуваат дека лицата со МС кои се приближуваат кон менопауза би требало да разговараат со својот невролог за управување со симптомите и стратегиите за лекување.

 

Извор:  https://www.mymsteam.com/resources/menopause-may-speed-up-nerve-damage-in-ms

Забелешка: Овој текст има информативен карактер и необезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.