НУГА БЕСТ – Нов соработник на Националното здружение за МС

МС Македонија
октомври 25, 2021

Наше посебно задоволство е да ви ја најавиме новата соработка на Националното здружение за МС со компанијата НУГА БЕСТ Неувита, претставништво во С. Македонија на јужнокорејската Nuga Medical, основана во Сеул 2002 година, која е производител на широк асортиман на производи за превенција и подобрување на здравјето на луѓето.

НУГА БЕСТ производите се сертифицирани како медицински уреди, но тоа не е само опрема што помага да се спречи болеста и сочува здравјето, тоа е начин на живот. Редовната употреба на Нуга Бест производите може да биде од голема помош да се обноват заштитните механизми во телото.

НУГА БЕСТ за потребите на лицата со мултипла склероза, членови на Националното здружение за МС, дава можност за користење на десет бесплатни третмани во најзините центри ширум земјата и многу други поволности кои дополнително ќе ги запознаете.

Сите лица со мултипла склероза, членови на Националното здружение за МС, кои сакаат да ги користат услугите на Нуга Бест потребно е да се обратат на официјалниот меил на здружението msmakedonija@gmail.com и да наведат во кој од центрите ширум земјата сакаат да ги користат услугите. Ние ќе обезбедиме термин за користење на третманите во бараниот центар на Нуга Бест и ќе ве известиме, така што ќе можете да си ја искористите оваа услуга.

Третманите ги имаат следните ефекти:

  • Масажа – терапевтскиот кревет врши длабинска масажа за релаксација на телото;
  • Акопресура – дава ефект преку терапија на меридијаните во грбот, така што врши баланс на енергијата на телото;
  • Третирање со топлина – врши најбрза и најдобра циркулациуа на крвта;
  • Киропрактика – врши корекција на деформитетите во ‘рбетниот столб;
  • Долги инфрацрвени зраци – го подобруваат квалитетот на крвта, ги зајакнуваат и регенерираат клетките;
  • Третирање со ниска фреквенција – врши стимулациа на мускулатурата така што придонесува да се намали болката и масните наслаги.

.Центри на НУГА БЕСТ:

Како изгледа Нуга Бест центар погледнете тука.

Во иднина веруваме дека нашата соработка ќе се продлабочи во насока на обезбедување на подобри услуги и поволности на лицата со мултипла склероза кои ќе имаат можност да ги искусат и почувствуваат придобивките од оваа терапија која претставува нов пристап во справувањето со голем број здравствени проблеми.

За Националното здружение за МС

Национално здружение за помош и поддршка на лица со мултипла склероза – Национално здружение за МС е доброволно, непрофитно, невладино и непартиско здружение на граѓани, формирано заради остварување, заштита, унапредување и усогласување на правата, потребите и интересите, како и вршење на дејности и активности со цел подигање на јавната свест за мултиплата склероза. Oсновано е на 20. март 2019 година. Од 7. мај 2020 година, Националното здружение е полноправна членка на Европската МС Платформа (анг. European Multiple Sclerosis Platform, EMSP).

Потребата за формирање на здружението се наметна како резултат на неопходноста за обединување на лицата со мултипла склероза, нивните семејства со цел согледување на нивните потреби и инволвирање на останати чинители заради решавање на проблемите на лицата со МС, како и подобрување на квалитетот на нивното живеење. Исто така, секојдневниот напредок во медицината, токму во областа на неврологија бара интензивирање на реформите во оваа област.

Нашата мисија и причина за постоење е искрената желба за помош и поддршка на лицата со МС и нивните негуватели, во подигнување на свеста кај јавноста и проблематиката по однос на МС, сериозен пристап, навремена дијагностика и навремен и соодветен третман со цел спречување на прогресијата и инвалидитетот, поддршка на пациентите, едукација по однос на правата на лицата со МС и промоција на нови достигнувања во медицината.