Зошто информираноста е многу важна кај мултипла склероза?
Многу нешта се променети во истражувањето и третманот на мултипла склероза (МС), не е се исто како пред 30-тина години. Еве неколку нешта кои тогаш беа актуелни, а денес не важат:
- има помалку од 1% шанса децата да наследат мултипла склероза од мајката,
- првите 2 години по дијагностицирање го покажуваат текот на болеста,
- најголема помош е одморот,
- јогата и медитацијата не се од помош кај мултипла склероза.
Денешните истражувања многу ни открија за МС и многу нешта сменија. Денес новодијагностицираните пациенти се во подобра положба, тие се дијагностицирани во вистинско време. Имаат широк избор на лекови кои ја модифицираат болеста, имаат избор на инјектибилни, орални и инфузиони лекови и добиваат повеќе од „оди дома и одмарај“. Кортикостероидите не се повеќе единствен третман.
Браво за медицинските истражувања, браво за науката.
Фармацевските компании се трудат кој да пронајде подобар лек и за среќа успеваат во тоа. Како што гласи старото правило: ПОДОБАР ЖИВОТ ПРЕКУ ХЕМИЈА. Ние треба да сме љубопитни и информирани за сите новитети од извори на кои можеме да им веруваме. Постојат многу измами во текот на изминативе години за луѓе кои продаваат скапи лекови или билки како единствен лек. Купувачи, пазете се! Претпазливоста и здравјето на прво место.
За разлика од советите кои порано ги слушавме, денес овие изгледаат како грешна информација. На пример:
- има помалку од 1% шанса детето да наследи МС од мајката, но според National Multiple Sclerosis Society овој процент е повисок. Односно за роднини од прво колено е од 2,5-5% дури и повисок кај семејства со поголем број на случаи кои боледуваат од МС.
- првите 2 години по дијагностицирање го покажуваат текот на болеста, односно 85% од пациентите со релапсно-ремитентна МС ќе прерасне во секундарно прогресивен тип на МС.
- најдобар лек е одморот, но напротив, безброј студии покажаа дека вежбањето е делотворно за лицето со МС, умереноста е најважна. Редовните вежби можат да ја зголемат силата и балансот и да ги намалат грчевите. Водниот аеробик кај нестабилни пациенти може да помогне без постоење на ризик од повреда. Треба да се користат и други форми на активност во зависнот од потребите на пациентите.
- пациентите со МС немаат корист од јога, таи чи и медитација. Wellness часови сега се нудат од National Multiple Sclerosis Society како начин да помогнат на пациентите да имаат здрав и исполнет живот. Програми како јога, таи чи и водена терапија се нудат како дел од тие програми. Терапевтското јавање се покажа како ефективно за физичкото и менталното здравје. Медитацијата се покажа дека го намалува стресот и анксиозноста.
Светот на МС се менува постојано. Бидете информирани, прашувајте, зборувајте со вашиот доктор. Изминатите 30-тина години, некои научија да им веруваат на нивните инстикти, тие им беа нивен водич. Верувајте им и вие на вашите.