Дали тетоважите може да предизвикаат проблеми кај лицата со мултипла склероза
Дел од лицата со МС одбираат да имаат тетоважа на своето тело. Честопати тоа е начин да се изнесе став или пренесе порака до светот било да е поврзано со МС или се работи за личен став. Но, најновите истражувања предупредуваат дека кај некои лица премногу мастило може да создаде здравствени проблеми.
Според извештајот објавен во Journal of Applied Physiology загрижувачки фактор е топлината, а знаеме колку таа може да биде ризична за лицата со МС.
Нашите тела се ладат кога се потиме. Потта се произведува од потните жлезди кои се наоѓаат низ целото тело. Истражувачите откриле дека тетовираната кожа се поти помалку од нормалната кожа. Зошто?
Тетовирањето подразбира дури 3000 убоди на кожата во минута, а научниците се сомневаат дека процесот на тетовирање може да ги оштети тие потни жлезди. Ако жлездите се оштетени ризикот од прегревање се зголемува.
Малите тетоважи поретко влијаат на целокупната регулација на температурата на телото, се вели во студијата. Но, ако тетоважите покриваат голем дел од телото намаленото потење „може да влијае врз дисипацијата (распределбата на топлина)“.
Потењето и МС
Отсекогаш сум се прашувал како потењето е поврзано со МС? Ретко се потам. Можам да вежбам или да бидам изложен на топлина и влага и речиси да не се создава ниту капка пот. Се запрашав дали за ова е виновна МС или дали недостаток на пот може да биде причина за МС? Дали имам оштетени потни жлезди иако немам тетоважи и дали тоа би можело да е поврзано со МС?
Минатата година спроведов мало истражување поврзано со тоа дали и кај други лица со МС е присутна ваква анатомска аномалија. Некои одговорија дека ваквите симптоми се појавиле откако им била дијагностицирана МС, но други пак одговориле дека не можат да се сетат дека некогаш се потеле.
Од друга страна еднаков број испитаници рекоа дека се потат и немаат таков проблем. Некои рекоа дека потењето кај нив се зголемило по дијагнозата за МС, а некои пак се изјаснија дека се потат премногу.
Пред петнаесет години истото списание кое го објави извештајот за тетоважите објави студија за МС и потењето. Се заклучува дека лицата со МС имаат намалена функција на потните жлезди поради оштетување на делови од нервниот систем вклучени во регулирање на телесната температура.
Ова повторно нѐ враќа кај тетоважите. Ако сакате да ја држите под контрола вашата МС со одржување на топлината на телото и непречено потење, тогаш веројатно треба да ги ограничите или исклучите тетоважите. Како воопшто можете да се подлегнете на 3000 убоди во минута? Кај мене се создаде страв од боцкање од терапија со “Avonex” која се прима еднаш неделно.
Извор: https://multiplesclerosisnewstoday.com/columns/2020/10/06/do-tattoos-worsen-ms-sweating-link/
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.