Што да направите кога МС влијае на вашата способност за пишување
Во последниве години, многу државни училишта престанаа да ги учат децата да пишуваат, бидејќи некои едукатори мислеа дека технологијата го направила рачното пишување застарена вештина. Меѓутоа, во последно време, учењето за рачното пишување се враќа, делумно затоа што истражувањата покажаа дека пишувањето со рака е добро за мозокот на луѓето.
„Физичкиот чин на пишување го промовира здравјето на мозокот“, објаснува Џулијан Хансен-Златев, работен терапевт во Касл Рок, Колорадо. Така прават и други моторни активности на прстите и рацете, како што се плетење или обработка на дрво.
За оние кои живеат со мултипла склероза (МС), различни симптоми на МС можат да го отежнат пишувањето со рака, дури и ако пишувањето вклучува само потпишување на роденденска честитка, одобрување чек или составување листа на намирници. Хансен-Златев вели дека вкочанетоста и одложената моторика се двата најзначајни симптоми кои влијаат на способноста за пишување.
Разговарајќи за вкочанетоста, таа вели: „За луѓето со МС, може да се чувствуваат како да носат пар ракавици додека се обидуваат да прават работи како пишување со пенкало или посипување сол на храната“.
Што се однесува до одложената контрола на моториката, таа вели: „Луѓето со МС може да се чувствуваат како рацете да им се несмасни и дебели. Може да биде тешко да се прават работите брзо“.
Треморите, кои можат да бидат предизвикани и од МС, можат да го попречат пишувањето и тие имаат две форми, вели Хансен-Златев. Една форма е намерен тремор. „Ова е кога одите да посегнете по нешто и одеднаш раката ви е насекаде и се тресе“. Друг вид тремор што го прави незгодно пишувањето е редовниот тремор, што предизвикува постојано тресење.
Малите прилагодувања можат да направат голема разлика во способноста за пишување
И покрај пречките, некои едноставни прилагодувања можат да го олеснат пишувањето. Работнииот терапевт може да ви помогне да ги пронајдете прилагодувањата што најмногу ќе ви помогнат.
Лиза Емрих (49), на која и беше дијагностицирана МС пред 12 години, пронашла релативно евтина алатка која и помага подобро да пишува. Таа користи дебело пенкало кое лесно се држи.
Сепак, Емрих, кој работи како професионален музичар и професор по музика, а исто така блогира за МС, вели: „Мојот ракопис е ужасен. Не можам повеќе да го читам. И земањето белешки на предавање е толку тешко. Тоа се разви со МС“.
Подолу се дадени некои други прилагодувања, предложени од Хансен-Златев, кои можеби ќе ви го олеснат пишувањето со рака:
Изберете го вистинското пенкало. Подебелите пенкала можат да бидат корисни ако имате намалено чувство во прстите или нарушена координација. „Со потенко пенкало, не го чувствувате толку многу во вашата рака. Подебелото пенкало ќе има поголема површина на располагање за фаќање“, објаснува Хансен-Златев. Исто така, може да помогне и пенкалото со текстурирана рачка.
Потешко и подебело хемиско пенкало, може да помогне да се намали ефектот на треперењето.
Успори. „Повеќето од нас се навикнати да пишуваат брзо“, вели Хансен-Златев. Обидете се да забавите и видете дали тоа го прави рачното пишување позадоволително и поуспешно.
Пишувајте курзивно наместо печатно. „Курзивот е полесен. Зборовите течат заедно, така што е помалку заморно. Не го креваш и спушташ пенкалото толку многу“, објаснува Хансен-Златев.
Користете широка хартија. Ова ви дава повеќе простор за пишување, што го прави пишувањето почитливо.
Правилно поставете го вашето тело. „Поставете се на цврсто биро или на маса, седнувајќи на стол, така што целото тело е добро поддржано“, вели Хансен-Златев. Проверете дали површината што ја држи хартијата е на вистинската висина. Ако имате тремор, потпирањето на раката на таа површина може да помогне.
Изберете го вистинското време од денот за пишување задачи, кога вашето ниво на енергија е повисоко. „За некои луѓе тоа може да биде на почетокот на денот, кога не сте морале да се занимавате со многу други заморни активности“, вели таа. Тоа може да биде и откако сте имале добра пауза за одмор.
Побарајте професионална помош за приспособени решенија
Одговорите на предизвиците што ги поставува МС не се единствени. „Ако имате симптоми кои ви пречат да пишувате и да ги извршувате другите секојдневни задачи, консултирајте се со професионален терапевт“, вели Хансен-Златев.
Професионалец со искуство во рехабилитација на МС може да даде препораки врз основа на спецификите на вашиот симптом. На пример, „Дали треморот доаѓа од твоето рамо или од твојата рака? вели Хансен-Златев. Ваквите детали се важни при изборот на вистинската алатка или техника за подобрување на функцијата за пишување.
Покрај тоа, таа вели: „Можеби ќе треба да користите една стратегија наутро и друга навечер.“.
Извор: https://www.everydayhealth.com/multiple-sclerosis/treatment/what-when-ms-affects-your-ability-write/
Забелешка: Овој текст има информативен карактер и не оезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.