Историја на болести во семејството: Што треба да знаете?
Зошто ова го бара вашиот доктор?
Сите овие прашања во врска со здравствените состојби на вашите роднини може да изгледаат мачни, но тие помагаат и насочуваат на што треба да се стави фокус при истражувањето. На пример, ако вашиот татко има висок крвен притисок, можеби таа состојба треба внимателно да се испита и кај вас. Се разбира и вашите гени, и начинот на живот на вашето семејство можат да влијаат на вашето здравје – овие работи ги добивате од вашите родители.
Што треба да знае вашиот доктор?
Треба да му кажете за состојбите во семејството (како дијабетес или астма) или сериозни заболувања (како карцином или мозочен удар) кај родителите, бабите и дедовците, браќата и сестрите имаат или ги имале и на која возраст биле кога започнал здравствениот проблем. Ако некој од нив починал, известете го вашиот доктор за причината за смртта и колку години имале кога починале. Исто така, може да праша за работи како што е начинот на живот или исхраната на вашето семејство, затоа што има тенденција ова да ви е заедничко.
Какви здравствени состојби имаат семејствата?
Ако некој близок роднина имал одредена состојба или болест, тоа не значи дека и вие ќе ја добиете – но може да имате поголеми шанси. Некои состојби можат да се пренесат, тука спаѓаат:
- дијабетес
- деменција
- одредени видови на карцином
- висок холестерол
- дебелината
- астма
- срцеви заболувања
- згрутчување на крвта
- артритис
- болест на бубрезите
- депресија
- висок крвен притисок
Дали е важна мојата етничка припадност?
Вашиот лекар може да праша за вашата раса затоа што луѓето кои потекнуваат од одредени делови на светот имаат поголема веројатност да заболат од некои болести. На пример, Афроамериканците имаат поголема шанса да имаат српеста анемија, а Евреите од Источна Европа се со поголема веројатност да се родат со Тај-Сакс-ова болест.
Како можам да добијам информации?
Ако не знаете многу за здравјето на вашите блиски роднини, одвојте време и информирајте се. Ако не можат да ви помогнат, разговарајте со другите членови на семејството – тетки, чичковци или братучеди – за да видите што можете да дознаете. Можеби ќе најдете и неколку семејни дрва, книги од новороденчиња или други информации кои би можеле да бидат корисни.
Добивање на записи
Ако имате прашања на кои роднините не можат да одговорат, изводите и потврдите за смртта или медицинските досиеја можат да ви дадат специфики како што се возраста на покојниот, причината за смртта и етничката припадност. Правилата се различни за секоја држава, но на блиските членови на семејството најчесто им е дозволено да добијат копии.
Истражување на предците
Ако не знаете многу за вашите роднини и немате време самостојно да истражувате, има компании кои можат да помогнат да се пополни вашето семејно дрво. Откако ќе ги знаете имињата на вашите роднини, можете да се обидете да контактирате со нив или да пронајдете некролози или сертификати за смртта доколку починале.
Генетика
Може да отидете чекор подалеку ако ги тестирате гените, ДНК-тестирање. Обично, испраќате примерок од плунката во установа или компанија која ги врши овие истражувања и тие ви испраќаат извештај. Ова може да каже дали имате поголема веројатност да добиете одредени заболувања или да ги пренесете проблематичните гени на вашите деца.
Што ако немам соодветни информации?
Можеби нема да можете да ги обезбедите сите одговори и тоа е добро. Само разговарајте со вашиот доктор за информациите што ги имате или кажете дека не сте запознаени со историјата на вашето семејство. Докторот може да ви помогне можеби дури и да ви каже каде на друго место да барате. Дури и ако ви недостасуваат некои факти, сепак информациите што ги имате може да бидат од корист.
Извор: https://www.webmd.com/a-to-z-guides/ss/slideshow-family-history
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.