Исхрана збогатена со риба можеби е клучот за намалување на ризикот од развивање на мултипла склероза
Јадењето риба еднаш неделно или од еднаш до три пати месечно заедно со користење дневни суплементи кои содржат рибино масло, може да помогне во намалување на ризикот од развивање на мултипла склероза, покажa една прелиминарна студија.
Истражувањето покажува дека омега-3 масните киселини кои се наоѓаат кај риби како што се лосос, туна и ракчиња може да се поврзани со намален ризик од развој на мултипла склероза (МС).
Резултатите од студијата биле презентирани на 70-от Годишен состанок на Американската Академија за Неврологија оваа година.
Во прелиминарната студија, истражувачите го оценија нивото на конзумација на риба кај 1.153 луѓе (на средна возраст од 36 години) од неколку аспекти. Околу половина од регрутираните луѓе биле дијагностицирани со МС или клинички изолиран синдром – состојба која се случува во почетокот на болеста, односно првичните симптоми кои траат најмалку 24 часа.
„Конзумирањето риба која содржи омега-3 масни киселини покажа дека има различни бенефити по здравјето, затоа ние сакавме да видиме дали оваа обична промена во животот, редовно јадење риба и земање на суплементи на база на рибино масло, може да го намали ризикот од МС” изјави д-р Anette Langer-Gloud, од Kaiser Permanente Јужна Калифорнија и член на Американска Академија по Неврологија.
Луѓето кои беа истражувани во студијата беа поделени во две групи според нивното ниво на користење на риба: висок внес на риба и низок внес на риба. Тие луѓе кои спаѓаа во групата на висок внес на риба, внесувале или една порција на риба неделно или една до три порции месечно заедно со внес на суплементи на база на рибино масло. Во другата група на низок внес на риба, лицата внесувале помалку од една порција риба месечно и тие не користеле никакви суплементи на база на рибино масло.
Истражувачите заклучиле дека постои 45% помал ризик од развивање на мултипла склероза или клинички изолиран синдром кај лицата во групата која внесувала големо ниво на риба во споредба со другата група која внесувала ниско ниво на риба. Групата со поголем внес на риба се состоела од 180 МС пациенти и 251 здрави луѓе. Тимот исто така заклучил дека некои луѓе го регулираат нивото на масни киселини полесно за разлика од другите. Со преглед на 13 мутации (промени) во гените кои го регулираат нивото на масните киселини, тие пронашле две мутации кои биле поврзани со намален ризик од развој на МС, дури по пресметување на исхрана збогатена со риба.
Овие резултати покажуваат дека некои луѓе имаат генетска предност базирана на тоа како нивното тело ги регулира масните киселини.
Тимот ја истакна поврзаноста помеѓу конзумирањето на омега-3 масни киселини и намалениот ризик од развој на МС, ама не како причинско-последична врска. Во иднина, истражувачите сакаат да дознаат и оценат како омега-3 масните киселини влијаат врз метаболизмот, воспалението и функцијата на нервите за да се потврди поврзаноста.
Слична студија истражува дали медитеранската диета може да ги намали симптомите на МС и да го подобри квалитетот на живот на пациентите.
Риба и друга морска храна се значаен дел од медитеранската диета. Според истражувачите риби како на пример: сардини, лосос, туна и езерска пастрмка се добар извор на омега-3 масни киселини.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.