Откривање на невидливите симптоми на МС
Во светот од мултипла склероза (МС) боледуваат повеќе од 2,3 милиони лица.1 Кај оваа болест единствено е предвидлива нејзината непредвидливост. Такви се и нејзините симптоми – најразлични, макотрпни, забележливи и невидливи. Последните честопати се несфатени од тие што не живеат со МС и што не знаат како е да се живее со оваа хронична болест.
Краток филм „Скриено“
Во 2018 година, Shift.ms, социјална мрежа со седиште во Велика Британија го создаде краткометражниот фим со наслов „Hidden” (превод, Скриено). Во филмот, преку актерските способности на главната хероина, зачинето со визуелни ефекти, на уметнички и емотивен начин се прикажани невидливите симптоми со кои секојдневно се борат лицата со мултипла склероза.
Ова дело претставува одлична алатка и можност за подигнување на општата свест за невидливите симптоми на МС, со цел пошироката јавност да го согледаат нарушениот квалитет на живот кој е горко секојдневие на лицата со МС.
Ова е повеќе од причина која ќе нѐ зближи и ќе нѐ охрабри заедно да се бориме, бидејќи секогаш ЗАЕДНО СМЕ ПОСИЛНИ.
Погледнете го целиот филм на YouTube каналот на здружението тука.
Референца:
- Multiple Sclerosis International Federation. Atlas of MS 2013: mapping multiple sclerosis around the world. Multiple Sclerosis International Federation, 2013. Достапно на: http://www.msif.org/wp-content/uploads/2014/09/Atlas-of-MS.pdf. пристапено: јули 2018.