3 теми за разговор со вашиот гинеколог
Ако сте жена со мултиплa склероза, гинекологот е суштински член во вашиот здравствен тим, оној кој може да одговори на превентивната грижа и женските здравствени проблеми кои се резултат на мултипла склерозата.
Општо земено, гинеколог е лекар специјалист за медицинска нега на жените и нивниот репродуктивен систем, додека акушер е лекар специјалист за хируршка нега на жените и нивните деца за време на бременост, породување и постнатална нега. Во постдипломската медицинска обука, акушерството и гинекологијата често се комбинираат за да формираат единствена медицинска специјалност позната обично како “OB/GYN” (ГИН/АКУ). Денес речиси сите гинеколози се исто така акушери, а повеќето акушери исто така практикуваат гинекологија.
Вашите здравствени потреби поврзани со гинекологија ќе се разликуваат во зависност од фазата од животот во која се наоѓате, и влијанието на МС но, разговорот на овие теми со вашиот гинеколог ќе ви помогне подобро да разберете како да останете во добро здравје со опциите кои се достапни за лекување на компликации поврзани со MС.
Превентивна нега
Превентивната нега (запирање на болеста пред да започне) е важна за секого. Може да се обратите до вашиот гинеколог за да препорача скрининг тестови кои треба да бидат дел од вашата рутина за превентивна нега. “The U.S. Preventive Services Task Force”, група нефедерални експерти за превенција, издаде упатства за скрининг. Целиот пакет упатства може да се најде на интернет. Тестовите вклучуваат скрининг за:
- Рак на грлото на матката (попознат како РАР тест)
- Сексуално преносливи болести (како што се гонореја, сифилис, ХИВ и ХПВ)
- Рак на дојка (мамограми, како и самопроверки)
Возраста е фактор во препораката кога и колку често треба да се прават овие и други скрининг тестови но , се разгледуваат и други фактори на ризик. Гинеколог има експертиза да го процени и прилагоди распоредот на скринингот според вашите посебни потреби.
Промени во женскиот репродуктивен систем
Почнувајќи од пубертетот, хормоните играат витална регулаторна улога во женскиот репродуктивен систем. Спроведени се неколку обемни студии, како би се утврдило влијанието на хормоните врз МС но, научниците известуваат дека не ретко е тешко да се направи разлика помеѓу симптомите на МС и оние поврзани со хормоналните промени. Но, без оглед на причината, гинеколог може да понуди совет и / или третман во врска со:
- Менструација и предменструален синдром
Некои жени со МС забележуваат дека симптомите на МС се влошуваат пред, или за време на менструалниот циклус. Исто така, некои лекови за третман на МС можат да влијаат на менструалниот циклус, иако ова може да биде привремено бидејќи телото се прилагодува на лековите.
- Контрацепција / средства за контрацепција
Може да разговарате за вашата желба да станете родител со било кој член на вашиот здравствен тим но, вашиот гинеколог е тој што може да понуди експертиза за забременување. Ако вашата цел е превенција од бременост, гинеколог може да ви помогне да ја изберете најдобрата опција за контрацепција.
- Менопауза
Падот на нивото на хормоните кој ја придружува „промената на животниот стил“ е поврзан со привремено влошување на симптомите на МС. Со оваа промена, исто како и со другите хормонални промени, се управува во соработка со вашиот гинеколог.
Сексуални тешкотии/проблеми
За некои жени, сексуалните проблеми може да претставуваат непријатна тема за разговор со нивниот лекар. Во тој случај, на овие теми можете да разговарате со вашиот гинеколог.
Ако имате сексуални тешкотии како последица од МС, не сте единствени. Според резултатите од истражувањето врз лица со МС во северна Калифорнија, спроведено на “University of California San Francisco Multiple Sclerosis Center”, сексуална дисфункција е пријавена од повеќе од 60 проценти од жените и повеќе од 75 проценти од мажите.
Жените кои се справуваат со сексуална дисфункција, најчесто се жалат на:
- Вкочанетост во областа на гениталиите
- Намалено оргазмичко доживување
- Намалено вагинално подмачкување
Вашиот гинеколог може да препорача начини за справување со проблемите. На пример, лубрикантите може да бидат основно помагало при стимулација на гениталиите и сексуалната возбуда. И вибраторот може да обезбеди пријатни и сексуално стимулативни сензации. Дополнително, болката, спастичноста, заморот и нарушената функција на мочниот меур, или дебелото црево кои придонесуваат за сексуална дисфункција, често се ублажуваат со лекови.
Она што е најважно во сите разговори со вашиот гинеколог (како и со секој лекар), колку повеќе се отворате и зборувате за вашите проблеми, толку подобро тие можат да ви помогнат.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.