Дали мултиплата склероза е наследна?

МС Македонија
март 5, 2023

Клучни факти

  • Мултипла склероза (МС) не се пренесува директно од родител на дете.
  • МС е предизвикана од комбинација на генетски и еколошки фактори.
  • Истражувањата покажуваат дека имањето роднина од прв степен со МС може да биде фактор на ризик за развој на МС.

Ако имате мултипла склероза – автоимуна болест која ги напаѓа нервите во ‘рбетниот мозок и мозокот – може да се грижите дали ќе ја пренесете на вашите деца. МС не е наследна, што значи дека не се пренесува директно од родител на дете, односно не се пренесува во семејство низ генерации. Сепак, имањето роднина од прв степен со МС го зголемува ризикот на лицето да ја развие оваа состојба.

Меѓу општата популација, шансите за развој на МС се околу 1 на 750 до 1.000, според National Multiple Sclerosis Society. Идентичен близнак чиј брат или сестра има МС, сепак, има 1 на 4 или 5 шанси да развие МС.

Анализата на 18 студии од 2013 година ги откри следните животни ризици од развој на МС за членовите на семејството:

  • 1 од 5 ако идентичен близнак има МС
  • 1 од 22 ако неидентичниот близнак има МС
  • 1 од 37 ако брат или сестра има МС
  • 1 од 67 ако родителот има МС

Кои фактори на ризик можат да бидат причинители за мултипла склероза?

Додека причината за МС е непозната, научниците открија дека и еколошките и генетските фактори играат улога во подложноста / чувствителноста. Повеќе од 200 гени се поврзани со МС, а луѓето со оваа болест може да имаат еден или комбинација од генетски фактори. Студија од 2013 година пресметала дека гените придонесуваат 54 проценти од факторите на ризик за МС.

Со МС, абнормалниот одговор на имунолошкиот систем предизвикува воспаление и оштетување на централниот нервен систем и миелинската обвивка што ги заштитува нервите. Еколошките фактори за МС вклучуваат:

  • Вируси (како што е вирусот Епштајн-Бар)
  • Инфекции
  • Пушењето
  • Дебелината
  • Географска локација (вклучувајќи ги северните делови на САД, јужна Канада, делови од Европа, јужна Австралија и Нов Зеланд)

Ниските нивоа на витамин Д во крвта исто така се поврзани со зголемен ризик од МС. Тековните истражувања ја истражуваат улогата на суплементацијата на витамин Д во поддршката на функцијата на имунолошкиот систем, што би можело да заштити од болести поврзани со имунолошкиот систем, како што е МС.

 

Извор: https://www.mymsteam.com/resources/is-multiple-sclerosis-hereditary

Забелешка: Овој текст има информативен карактер и не оезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.