Како „Botulinum Toxin“ (Ботулински токсин) може да помогне во справувањето со МС
Многумина се запознаени со „Botulinum Toxin“ и неговата моќ во третманот на борите (се мисли на Ботокс). Но, овој лек исто така е од корист во третманот на лица со мултипла склероза (МС) кои имаат спазам (вкочанети мускули и ненадејни, неконтролирани движења на рацете). Овој лек секако претставува опција која заедно со вашиот лекар може да ја разгледате како дел од вашиот третман за МС.
Што е Botulinum Toxin?
Botulinum Toxin е лек за релаксирање на мускулите направен од бактерии наречени Clostridium botulinum. Постојат четири вида:
- OnabotulinumtoxinA (Botox/Botox Cosmetic)
- RimabotulinumtoxinB (Myobloc)
- AbobotulinumtoxinA (Dysport)
- IncobotulinumtoxinA (Xeomin)
Овие лекови, исто така, третираат и други состојби, вклучително и состојба во која мускулите на вратот постојано се контрахираат (cervical dystonia), мигрена, главоболки и трепкање кое не можете да го контролирате (blepharospasm). Ботоксот е лек кој луѓето го користат за израмнување на борите.
Како делува Botulinum Toxin?
Нервите испраќаат електрични пораки до мускулите така што тие се движат кога вие сакате. Овие пораки патуваат од нервите до мускулите преку хемикалија наречена acetylcholine. Но, ако имате МС болеста ги оштетува нервите и ги попречува овие сигнали. Ова предизвикува мускулите да се згрчат и да се движат неконтролирано.
Botulinum Toxin-от го блокира acetylcholine-от што овозможува мускулите да се опуштат. Ова го олеснува движењето и користењето на екстремитетите и ја олеснува секоја вкочанетост и болка која може да ја почувствувате.
Како изгледа третманот со Botulinum Toxin?
Botulinum Toxin-от се вбризгува во мускулот со многу тенка игла. Третманот се одвива во ординацијата на вашиот лекар. Лекот не се движи низ телото па затоа е потребно да примите неколку инјекции одеднаш. На кој дел од телото ќе бидат аплицирани зависи од вашата состојба.
Ако мускулите се мали или тешко достапни, вашиот лекар ќе треба да спроведе мерење на електричните импулси кои тие ги создаваат со што би бил сигурен дека се третираат вистинските.
Лекот обично не создава непријатности, но некои лица пријавуваат мала болка од инјекцијата. Обично брзо исчезнува.
Ќе забележите дека лекот започнува да дејствува по една до две недели. Вашите мускули треба да започнат да се опуштаат. Една доза обично делува од два до шест месеци. Заради ова за да ги почувствувате придобивките можеби ќе треба да го повторите третманот неколку пати.
Постои ограничување во однос на тоа колку Botulinum Toxin може да се вбризга одеднаш. Заради ова ако спастичноста зафатила голем дел од мускулите или ако спастичните мускули се големи како оние на нозете, можеби третманот со Botulinum Toxin не е добар избор за вас.
Вашиот лекар ќе ги следи симптомите и ќе утврди дали третманот делува.
Кои се несаканите дејства?
Botulinum Toxin може да предизвика։
- Слабост во третираните и мускулите во нивна близина што може да ве спречи да користите некои делови од телото. Сепак ова не трае долго.
- Ретко, но кај некои лица се појавуваат симптоми на грип една недела по третманот. Симптомите обично траат еден ден.
Што значи да се „развијат антитела“ кон Botulinum Toxin?
Ова е ретка појава но, имунолошкиот систем кај некој лица создава антитела кои го спречуваат дејството на лекот. За да се избегне ова временскиот период помеѓу два третмани не треба да е пократок од 3 месеци.
Кога би требало да посетам лекар?
- Ако мислите дека третманот не делува (почекајте најмалку две недели)
- Ако имате несакани ефекти за кои мислите дека се поврзани со третманот
- Кога ефектите од третманот ќе престанат
Извор: https://www.webmd.com/multiple-sclerosis/multiple-sclerosis-treating-botulinum-toxin
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.