Националното здружение за МС и BODY & BEYOND воспоставија соработка за унапредување на физичката активност и здравите животни навики
Националното здружение за помош и поддршка на лица со мултипла склероза – Национално здружение за МС воспостави соработка со BODY & BEYOND, студио за пилатес на реформер и други програми за физичка активност, со цел унапредување на физичкото здравје, здравите животни навики и квалитетот на животот на лицата со мултипла склероза.
Со потпишувањето на Меморандумот за соработка, двете страни ја потврдија заедничката заложба за создавање дополнителни можности за лицата со МС да бидат физички активни, да се грижат за своето здравје и да имаат пристап до соодветни програми за физичка активност.
Посебна придобивка за членовите на Националното здружение за МС е можноста да искористат:
- еден бесплатен групен пробен час, со што ќе можат да се запознаат со програмите и услугите на студиото,
- попуст од 10% на редовните цени за ресторативните/терапевтските и групни услуги што ги нуди BODY & BEYOND.
Соработката предвидува и индивидуализиран пристап кон корисниците, при што изборот на соодветна физичка активност ќе ги зема предвид индивидуалните можности, потреби и здравствената состојба на секој член.
Двете организации ќе работат и на заеднички активности, едукативни и информативни содржини, со цел подигнување на свеста за значењето на физичката активност, здравите животни навики и грижата за физичкото и менталното здравје.
Националното здружение за МС продолжува да гради партнерства и да отвора нови можности за своите членови, со фокус на подобар пристап до услуги, поддршка и активности што придонесуваат за поквалитетен и поактивен живот.
Заедно создаваме можности за повеќе движење, подобри навики и поквалитетен живот!