Известување за проектот Психолошка поддршка
Почитувани членови и поддржувачи на Националното Здружение за МС,
Водени од нашата определба конкретно да придонесеме за градење на подобри услови во обезбедување поквалитетен живот на лицата со мултипла склероза, пред 5 години во услови на пандемија и социјална изолација започнавме и овозможивме бесплатна психолошка поддршка за нашите членови.
За петте години реализација на проектот „Психолошка помош и поддршка“ беа одржани 1326 индивидуални сеанси со членови кои се обратиле до лиценциран психолог.
Со особена благодарност до стручниот тим и до Вас како корисници кои секогаш сте основен мотив за работа на Националното здружение за МС, Ве информираме дека од 01.09.2025 година Националното здружение за МС нема да ја обезбедува оваа услуга. Ви укажуваме дека согласно Вашите потреби и финансиски можности, можете да се обратите до лиценцираниот психолог кој е отворен за Вашите потреби.
Јасен показател за успешноста на овој проект е задоволството на лицата кои како корисници биле дел од психолошката поддршка и променетиот пристап при нивното соочување со сите нови животни ситуации кои се секојдневие со мултиплата склероза.