Соработка со Bowen Therapy Skopje
Националното здружение за МС следејќи ги и грижејќи се за потребите на лицата со МС континуирано е во потрага по најдобрите третмански опции кои на членовите на здружението би им понудиле најдобри ефекти и придобивки и би резултирале со успешно справување со здравствените проблеми и предизвици.
Со посебно задоволство ве информираме дека тимот на соработници на Националното здружение за МС се зголемува. Со тоа се зголемуваат и услугите и поволностите кои ги добиваат лицата со мултипла склероза, членови на Националното здружение за МС.
Посебна чест ни претставува остварената соработка со Bowen Therapy Skopje и веднаш ги информираме лицата со МС, членови на Националното здружение за МС, дека имаат попуст од 20% на услугите кои ги нуди центарот.
Повеќе информации за Bowen Therapy Skopje имате на овој линк
Како се изведува Бовен терапијата видете тука
Како изгледа Bowen Therapy Skopje видете тука
Што е Бовен техника?
Бовен техниката е холистичка неинвазивна мануелна техника, делува на цело тело на сите органи на менталната и емоционалната состојба на лицето. Неинвазивна значи блага, нежна, терапевтот не прави груби манипулативни движења, а организмот се активира, станува внатрешен лекар и самото тело започнува процес на самозаздравување.
Оваа техника се работи со раце, со Бовен движења, што значи информацијата. Движењата се работат на меките ткива, мускулите, лигаментите и тетивите преку кои информациите се испраќаат до централниот нервен систем, кој ги прима, ги обработува и ги испраќа до телото, односно до делот каде што има проблем и предизвикува и започнува процесот на регенерација.
Што можеме да очекуваме?
Најчестите реакции на третманот се:
- различни сензации во телото како што се пецкање, грчење на мускулите, чувство на топлина
- подобра мобилност
- ублажување или целосно исчезнување на болката
- почесто мокрење
- можно влошување на симптомите до 24/48 часа, проследено со подобрување
- подобро расположение
- поспаност и замор или чувство на зголемена енергија
- Полето на примена е исклучително широко, имајќи предвид дека може да се примени за сите возрасни групи, од новороденчиња до постари лица.
За Националното здружение за МС
Национално здружение за помош и поддршка на лица со мултипла склероза – Национално здружение за МС е доброволно, непрофитно, невладино и непартиско здружение на граѓани, формирано заради остварување, заштита, унапредување и усогласување на правата, потребите и интересите, како и вршење на дејности и активности со цел подигање на јавната свест за мултиплата склероза. Oсновано е на 20. март 2019 година. Националното здружение е полноправна членка на Европската МС Платформа (анг. European Multiple Sclerosis Platform, EMSP), полноправна членка на Светската алијанса на пациенти (анг. World Patient Alliance) и асоцијативна членка на Алијансата на пациентски организации (АПО).
Потребата за формирање на здружението се наметна како резултат на неопходноста за обединување на лицата со мултипла склероза, нивните семејства со цел согледување на нивните потреби и инволвирање на останати чинители заради решавање на проблемите на лицата со МС, како и подобрување на квалитетот на нивното живеење. Исто така, секојдневниот напредок во медицината, токму во областа на неврологија бара интензивирање на реформите во оваа област.
Нашата мисија и причина за постоење е искрената желба за помош и поддршка на лицата со МС и нивните негуватели, во подигнување на свеста кај јавноста и проблематиката по однос на МС, сериозен пристап, навремена дијагностика и навремен и соодветен третман со цел спречување на прогресијата и инвалидитетот, поддршка на пациентите, едукација по однос на правата на лицата со МС и промоција на нови достигнувања во медицината.
Повеќе за здружението на следниов линк. https://msmakedonija.eu.org/za-nas/.