Потпишан меморандум за соработка со Семос Компјутерски Образовен Центар
Ве информираме дека Националното здружение на МС потпиша Меморандум за соработка со Семос Компјутерски Образовен Центар со кој чин се официјализираше соработката на овие два правни ентитета.
Потписничките на меморандумот, стремејќи се кон исполнување на своите организациски цели, во насока на унапредување и подобрување на услугите кои се испорачуваат кон крајните корисници се договорија за размена на знаења, искуства и вештини соодветно на сопствената експертиза и искуство во својата област.
Што ќе користат членовите на Нациналното здружение за МС?
Обезбедивме 15% попуст на официјални и сертифицирани обуки во делот на ИТ за членовите на НАЦИОНАЛНОТО ЗДРУЖЕНИЕ ЗА МС, и тоа:
- основни и напредни ИТ тренинзи; Сите од обуки од одделот за Крајни корисници (MS Office, Adobe, Autodesk, Програмирање – Open source) со попуст од 15%.
- Академии како неформален дел на образование; Сите академии со попуст од 15%.
- поволности при официјална сертификација на тренинзите;
- поволности за користење на услуги од страна на семејствата на членовите на здружението; Детски курсеви со попуст од 15%.
Ова претставува доказ дека Националното здружение за МС води грижа на своите членови и максимално се труди да им обезбеди најразлични услуги кои се од корист на лицата со МС и членовите на нивните семејства.
Подетално за Семос Компјутерски Образовен Центар имате на следниот линк.
За Националното здружение за МС
Национално здружение за помош и поддршка на лица со мултипла склероза – Здружение за МС е доброволно, непрофитно, невладино и непартиско здружение на граѓани, формирано заради остварување, заштита, унапредување и усогласување на правата, потребите и интересите, како и вршење на дејности и активности со цел подигање на јавната свест за мултиплата склероза. Oсновано е на 20. март 2019 година. Националното здружение е полноправна членка на Европската МС Платформа (анг. European Multiple Sclerosis Platform, EMSP), полноправна членка на Светската алијанса на пациенти (анг. World Patient Alliance) и асоцијативна членка на Алијансата на пациентски организации (АПО).
Потребата за формирање на здружението се наметна како резултат на неопходноста за обединување на лицата со мултипла склероза, нивните семејства со цел согледување на нивните потреби и инволвирање на останати чинители заради решавање на проблемите на лицата со МС, како и подобрување на квалитетот на нивното живеење. Исто така, секојдневниот напредок во медицината, токму во областа на неврологија бара интензивирање на реформите во оваа област.
Нашата мисија и причина за постоење е искрената желба за помош и поддршка на лицата со МС и нивните негуватели, во подигнување на свеста кај јавноста и проблематиката по однос на МС, сериозен пристап, навремена дијагностика и навремен и соодветен третман со цел спречување на прогресијата и инвалидитетот, поддршка на пациентите, едукација по однос на правата на лицата со МС и промоција на нови достигнувања во медицината.
За да дознаете повеќе за здружението посетете ја веб страницата