Што претставува витамин Д?
Витаминот Д игра некоку улоги во здравјето на човекот. Тој помага во апсорбција на калциумот, што е значаен во здравјето на коските. Витаминот Д исто така помага во контрола на ќелиите на растот, влијае врз невромускулната и функцијата на имунитетот и го намалува воспалението.
Човечкото тело произведува витамин Д со изложеност на сонце. Но сепак не е секогаш лесно и сигурно да се седи на сонце долго време. Некои луѓе можеби живеат во области каде што нема многу сончеви денови или пак не се во можност да престојуваат надвор многу често. Кога се престојува надвор, облеката и кремите со заштитен фактор ги блокираат сончевите зраци. Ова е добро во превенција на ракот на кожата, но ја спречува апсорбцијата на витамин Д. Други фактори, како стареење и обезност, може да се причина која влијае во задржувањето на нивото на витамин Д на задоволителна граница. Недостатокот на витамин Д е поврзано со појава на мултипла склероза, остеопороза и рахитис, а повеќе истражувачи откриле дека недостатокот на витамин Д е поврзан со појава на повеќе автоимуни болести, вклучувајќи ја МС.
Дали ниското ниво на витамин Д може да предизвика појава на МС?
Некои испитувања покажале поврзаност на нивото на витамин Д и појавата на МС. Луѓе кои живеат во области со ниско ниво на сончева светлина имаат поголем ризик фактор за да развијат МС. Студија направена помеѓу воен персонал покажа дека кај луѓе од белата раса и оние кои имаа високо ниво на витамин Д, имаат помали шанси да развијат МС. (истражувањето кај другите раси не го покажа истиот резултат, што може да е поради некои генетски фактори или поради фактот што истражувањата се направени кај помала група на луѓе).
Може ли конзумирањето на витамин Д како суплемент да помогне во превенција на МС?
Сѐ уште не е јасно, дали зголемувањето на внесот на количината на витамин Д преку суплементи, всушност може да го намали ризикот за развој на МС. Има истражувања кои укажуваат дека лицата со МС имаат генетски предиспозиции кои доведуваат до пониско ниво на витамин Д.
Ниското ниво на витамин Д може повеќе да предизвикува поврзаност со МС отколку да е причина за појава на МС.
Истражувачите сметаат дека изложеност на сонце е поврзано со повисоко ниво на витамин Д и на тој начин во контрола на ризикот од појава на МС. Со други зборови, сончевата светлина, а не витаминот Д е тоа што го спречува развојот на МС.
Сепак ако сте загрижени дека може да развиете МС, зголемувањето на внесувањето на количината на витамин Д би можело да го подобри здравјето во целина.
Може ли конзумирањето на витамин Д како суплемент да им помогне на лица со МС?
Моментално истражувањата не даваат јасен одговор за улогата на витамин Д во олеснување на симптомите на МС и олеснување и прекин на МС активност и прогресија на болеста. Некои клинички испитувања покажуваат дека земањето на витамин Д како суплемент помага во намалување на физичките ефекти кај МС и ризикот од појава на релапси, но овие студии имаа мал број на учесници и употребуваа различни дози на витамин Д. Според Кокрејн мета анализа, витаминот Д и неговата употреба може да влијае врз инвалидитетот кај МС и неговата прогресија или пак врз појавата и должината на релапси.
Некои пациенти со земање на витамин Д забележуваат подобрување во здравјето во целина, подобрување на меморијата и подобар говор.
Како може да се земе повеќе витамин Д?
Ако е возможно најдобро е витамините да се земаат преку храна,но сепак е тешко да се зголеми нивото на витамин Д само преку храна, бидејќи само некои видови на храна, како јајца и риба, природно содржат витамин Д, но утврдувањето во колкава количина содржат не е сигурна, и тоа е причината многу луѓе да користат суплементи за да го задржат нивото на витамин Д на задоволително ниво.
Според Институтот по медицина, возрасни до 70 години може да земаат 600 IU – интернационални единици дневно, додека над 70 може да земаат 800 IU дневно. Лицата кои земаат суплементи на витамин Д мора да го задржат нивото на истиот 40 нанограми во милиграм.
Сигурна употреба на суплементи на витамин Д
Правата доза на витамин Д е сигурна за конзумирање. Сепак, високо ниво на витамин Д предизвикува хиперкалцемиа, кога нивото на калциум во крвта е превисок. Таа може да предизвика појава на камења во бубрезите и да влијае негативно на коските. Земање на повеќе од 400 IU витамин Д на ден може да предизвика несоница, костипација и нагони за повраќање, губење на тежина, слабост, проблеми со срцето и оштетување на бубрезите.
Суплемемнтите на витаминот Д може да се земаат паралелно со лекови за холестерол, срце, стероиди, диуретици, лаксативи, а за останатите потребно да се консултира лекар.
Извор: www.mymsteam.com/resources/vitamin-d-and-ms-your-guide
Забелешка: Овој текст има информативен карактер и необезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.