Третман на анксиозност, промена во расположението и други емоционални проблеми
Анксиозност
Бидејќи вознемиреноста обично се јавува како одговор на одредени околности во животот, што, за лице со МС може да вклучува неизвесност да се има хронично и заболување пропратено со попречености, пристапувањето кон третман може да биде особено корисно. Обично вклучува психотерапија, советување или обука за намалување на стресот. Овие интервенции можат да му помогнат на лицето да го разбере изворот на стрес и да развие начини да се справи со истиот.
Покрај третманите кои не вклучуваат лекови, постојат и лекови кои се ефикасни во лекувањето на анксиозноста. Ова вклучува лекови на база на антидепресивни лекови.
Промена во расположението
Луѓето кои живеат со МС можат да користат различни стратегии кои ќе им помогнат да се справат со промените на расположението, како резултат на невролошките оштетувања. Зборувањето за промените во расположението со вашите пријатели и членовите на семејството може да ви овозможи поголема контрола врз нив и да им помогнете на луѓето кои ви даваат поддршка подобро да разберат низ што минувате и како тие можат да помогнат. Зголемувањето на свесноста за предизвикувачите на промени во вашето расположение, исто така може да ви даде поголема контрола врз овие промени. На пример, ако откриете дека сте раздразливи во одредени ситуации, можеби ќе можете да ги избегнете тие ситуации или да користите длабоко дишење или други смирувачки стратегии за да ви помогнат подобро да се справите со ситуацијата. Може да откриете дека вежбањето ви помага кога станува збор за промени во расположението воопшто. Неколку студии ги покажаа придобивките од физичката активност врз влијанието на расположението кај луѓето со МС.
Ако сметате дека овие пристапи не функционираат, разговарајте со вашиот лекар што може да превземете за да ви помогне во контрола на промените во расположението. Лекот против напади (валпроична киселина), даден во мала доза, може да биде ефикасен во контролата на промените на расположението.
Псевдобулбарен ефект
Епизоди на неконтролирано смеење или плачење можат да бидат резултат на оштетување на ЦНС поврзано со МС. Неколку лекови се корисни во лекување на овој проблем. Неодамна, лекот наречен dextromethorphan/quinidine беше одобрен од страна на Американската администрација за храна и лекови за третман на псевдобулбарен ефект кај лица со МС. Голем број на трициклични антидепресивни лекови се ефикасни во решавање на оваа состојба. Се покажало дека лек користен во третман на Паркинсонова болеста може да биде корисен во лекување на псевдобулбарен ефект.
Стрес
Најдобар начин да стекнете вештини за да си го намалите стресот е да работите директно со професионалец обучен во стратегии за справување на стресот. Други извори што можат да бидат корисни вклучуваат психотерапија, советување, групи за поддршка, вежбање и книги за самопомош. Откако научивте вештини за намалување на стресот од некој обучен во стратегии за справување со стрес, можете да ги практикувате овие вештини самостојно и периодично да работите со професионалец за да ги усовршите своите вештини.
Овие се само неколку можни стратегии што можете да ги користите за да си помогнете во справување со симптомите на емоционално и ментално здравје при МС. Разговарајте со вашиот лекар за поконкретни информации за користење на лекови. Вашиот лекар може да помогне да одредите дали некој лек може да ви помогне и да ги објасни можните несакани ефекти и дози.
Извор: https://multiplesclerosis.net/treatment/anxiety-mood-swings-emotional-problems/
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.