Совети за негувателите на лицата со мултипла склероза
Мислите дека се изморивте да живеете со хронична болест? За момент замислете како се чувствуваат луѓето кои се грижат за нас, лицата со мултипла склероза – сигурно и тие се преморени. Без разлика дали ги нарекувате старатели, негуватели или партнери, луѓето што се најблиску до нас на свој начин го носат товарот на нашата болест.
Истражувањето со наслов „Coping with Caregiver Burnout When Caring for A Person with Neurodegenerative Disease: A Guide for Caregivers“ објавено во април 2017 година во часописот Archives for Physical Medicine and Rehabilitation, помага подобро да го дефинираме исцрпувањето и што може да се стори за да се спречи или закрепне од тоа.
Авторите на овој труд, д-р Deborah Backus од Shepherd MS Institute, Atlanta Georgia волонтира во истражувачкиот комитет за iConquerMS и e избран претседател на ACRM.
Кога размислувам за исцрпеност на негувателот, сликовито си ја претставувам физичката исцрпеност што е производ од повик 24/7 за да помогне некому. Д-р Backus и нејзините коавтори наведат бројни начини на кои луѓето можат да доживеат исцрпеност, вклучувајќи физичка, емоционална и ментална. Опасноста од исцрпеност не е само физички проблем, туку и односот кон самата ситуација која би можела негативно да влијае на негувателот имајќи предвид дека се работи за грижа на нему сакана личност. Може да се смените од позитивна и грижлива личност во негативна и невнимателна, што може дополнително да влијае на здравјето и состојбата на сите.
Имајте план и препознајте ги знаците на исцрпеност
Од исклучителна важност е негувателите да бидат проактивни, да имаат начини како да го намалат стресот и да ги препознаат предизвикувачите што можат да создадат дополнителни физички и емоционални оптоварувања. Списокот со знаци дека старателот доживува стрес може да вклучува дополнителни физички, психолошки или финансиски оптоварувања и повлекување од социјалниот живот, кое создава чувство на изолација.
Ако сте негувател, веројатно велите дека веќе го знаете сето ова, но дали имате начини да си олесните? Авторите даваат список на начини на кои негувателите можат сами да си помогнат, вклучително и:
- едуцирајте се за болеста, третманите и достапната поддршка;
- разговорот со здравствените работници, како и со вашето сакано лице е клучно, особено при донесување одлуки;
- одржувајте ја вашата благосостојба преку создавање на здрави навики на живот, редовно вклучете се во некаква форма на физичка активност и немојте да се чувствувате виновни што одвоивте време за себе;
- идентификувајте ваша локална поддршка, без оглед дали е во групата или во кругот на вашето пошироко семејство и пријатели; и
- негувајте ја и зачувајте ја смислата за хумор, тоа помага да се совлада стресот како моменталниот така и долгорочниот.
Влијанието на прифаќањето
Овие се прилично очигледни начини на кои старателите можат да помогнат на самите себеси и на нивните сакани, но има една ставка на нивната листа која привлекува посебно внимание. Тоа е: одржување на психолошка благосостојба. Покрај тоа што негувателите ќе пронајдат начини да се одморат од должностите и дискусиите за стресот на негата, статијата истакнува една точка за која честопати не се зборува … тоа е прифаќање.
Прифаќање: бидете свесни за вашите извори на стрес. Можеби е предизвик, но важно е да го прифатите заболувањето од вашата сакана личност. Прифаќањето може да ви помогне да живеете во сегашниот момент и да донесувате одлуки за себе и за вашата сакана личност
Како дел од прифаќањето, литературата поддржува развој на рутина за конзистентност на секој ден и учење техники за релаксација како што се јога, медитација или музика. Исто така пишува за придобивките од наоѓање на групна или индивидуална терапија со цел учење начини за менување на негативното размислување и создавање позитивни мисли. Можеби ќе ни треба и помош за да откриеме каква помош е достапна, а статијата наведува голем број ресурси на заедницата за негувателски услуги.
Без разлика дали сте давател или корисник на нега, зборувањето за исцрпување пред да се случи е клучно за одржување на здрав однос со негувателот. Се надевам дека ова нуди идеи што можат да ви помогнат да се грижите едни за други.
Ви посакуваме сѐ најдобро.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.