Мултипла склероза и семејството
Мултипла склероза и семејството
Доживотна болест како што е МС е приказна поинаква од другите. Дијагнозата МС влијае на целото семејство. Секој член на тоа семејство мора да научи како да живее со мултипла склерозата на свој начин. Пациентот и неговото семејство истовремено се соочуваат со непредвидливите и различни симптоми на оваа болест. Луѓе ненадејно ќе се најдат во позиција на негуватели, иако можеби не се спремни за таа улога.
Честа грешка на семејството е што посветуваат премногу внимание на пациентот, што него го доведува до уште поголемо чувство на беспомошност, додека, пак, другите од семејството може да се чувствуваат отфрлено. Причина за ова е товарот што целото семејство го чувствува поради неизвесната иднина на болниот. Важно е да им се опишат сите симптоми на членовите на семејството за тие да ги разберат Вашите чувства бидејќи семејството е најсилната поткрепа на болниот, а во позитивна атмосфера во кругот на семејството секој пациент со МС ќе има многу повеќе самодоверба, помалку релапси, повеќе доверба во себе, а со тоа и во својата иднина. Семејството Ве подига на нозе и Ве држи исправен пред предизвиците.