Подготовки за зима со мултипла склероза
Многумина од нас кои живеат со мултипла склероза (МС) можат да здивнат од летните горештини. Односот на МС со топлината е добро документиран уште од 1800-тите години и феноменот „Утоф“, сепак секоја сезона претставува предизвик.
Во оваа статија, ги идентификувавме сезонските предизвици и ќе понудиме едноставни совети како да ги надминете.
Превенција од паѓање
Зимските временски услови го зголемуваат ризикот од паѓање. Првиот предизвик е падот на температурата, така што врнежите (дожд и снег) можат да станат лизгави, па дури и да заледат. Второ, слабата светлина и пократките денови го отежнуваат гледањето.
Совети за превенција од паѓање:
Опрема – од исклучителна важност е да имате адекватни подготовки за да преживеете бура, особено снежна бура. Како некој што живее со МС, подготвувањето значи дека не мора да се борите против маркетите и продавниците пред снежна бура. Внимавајте на времето и испланирајте ги активностите од овој вид соодветно и однапред.
Нетолеранција на студ – треба да одржувате соодветно менаџирање во секоја сезона. Ова вклучува замена на вашите филтри за воздух и осигурување дека имате заштитни простирки, соодветни простирки за вашите врати и сол за вашите прошетки и патеки.
Заштитна опрема – осигурете се дека имате соодветни обувки и друга опрема специјално направена за конкретната сезона. Важно е да имате чевли со добар ѓон. Дотраените ѓонови може да доведат до зголемен ризик од паѓање.
Хранете се здраво
Зимските месеци се исполнети со празнични свечености. Со празниците, има многу можности за прејадување. Не само што доаѓаат празниците, туку зимската храна сама по себе е вкусна и лесно мами, па многу често постои опасност од прејадување. Ова значи дека ќе трошиме повеќе калории во споредба со остатокот на годината. Меѓутоа, со разумно консумирање храна, особено за време на празниците, можете да ја подобрите вашата севкупна состојба.
Совети за исхрана:
Контролирајте ги вашите оброци – јадете помали порции повеќе пати на ден. Прескокнувањето оброци може да доведе до грицкање подоцна во текот на денот. Поголемите оброци можат да влијаат на вашиот замор и да го зголемат.
Јадете свежо – свежото овошје и зеленчук имаат помалку калории и шеќер. Овошјето и зеленчукот исто така му помагаат на вашето тело да се одржува. Свежото месо за разлика од замрзната или микробранова опција е исто така подобро, заради количината на конзерванс додаден во замрзнатите јадења.
Хидратација – Дали знаевте дека телото честопати го збунува гладот со дехидрирање? Пиењето на вистинската количина на вода ќе ве направи помалку гладни. Повелете линк од калкулатор за хидратација https://www.camelbak.com/en/hydrated/hydration-calculator.
Вежбање
Студено е и времето не е совршено, сепак тоа не значи дека треба да престанете да вежбате. Вежбањето и исхраната се два од најдобрите природни начини за справување со МС. Вежбањето треба да биде дел од вашата редовна рутина, дури и ако е потребно време да се вратите во форма, вежбањето вреди.
Совети за вежбање:
Зачленете се во теретана или одете на јога, тоа може да ви помогне да останете активни и покрај вашата МС. Јогата е одлична затоа што можете да ја прилагодите на своето темпо и ниво на вештина и спремност. Таи Чи е исто така една од опциите. Во фитнес центрите се наоѓа справа т.н. nautilus, која обезбедува подобра стабилност од традиционалните обични тегови.
Вежбање во домашни услови – ако не можете да одите во теретана, вежбите можете да ги правите дома. Јогата, како што споменавме порано, може да се направи и дома. Постојат добри ДВД-а или расположливи ресурси на интернет кои можат да објаснат како да започнете. Исто така, постојат лесни тренинг рутини што можат да се прават дома.
Движењето е клучот – ништо не е пострашно од губење на функционалност или способност за движење. Секоја вежба што можете да ја направите, вклучително и дневна прошетка, е исклучително важна. Ако одлучите да излезете од дома и да прошетате, проверете дали имате соодветни чевли за сезоната.
Секоја сезона има свој сет на уникатни предизвици.
Минимизирање на ризикот од паѓање, правилно јадење и вежбање се добри стратегии за подготовка за зима со МС и уживање во студеното време.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.