Остеопороза
Остеопорозата е прогресивна состојба која предизвикува истенчување на коските, што ги прави посклони кон фрактури. Ако живеете со МС може да имате помала коскена густина (позната како остеопенија). Ова ве става во поголем ризик од развој на остеопороза и фрактура на коските.
Вашите коски постојано се обновуваат како одговор на сложениот сет на биохемиски и физички предизвикувачи. Воспалението предизвикано од МС може да влијае на овој процес. Ако имате тешкотии со подвижноста или со кревање поголема тежина, вашите коски можеби не ги добиваат потребните сигнали за да се одржат цврсти, и со текот на времето ќе заслабнат. За да го намалите ризикот потребно е да останете активни и редовно да вежбате.
Лековите кои ги земате за да ги контролирате симптомите и прогресијата на МС може исто така да влијаат на здравјето на коските. Долготрајната изложеност на стероиди или антидепресиви може да го зголеми ризикот од остеопороза. Сепак, неодамнешно истражување сугерира дека „Fingolimod“ може да обезбеди заштита од остеопороза кај жените.
Ризикот од развој на остеопороза е исто така зголемен ако сте пушач, или ако имате недостаток на витамин Д и калциум. Ако имате недостаток на витамин Д можете да ја прилагодите исхраната, да се изложите повеќе на сонце или да разговарате со вашиот лекар околу користењето на некои суплементи. Ако немате недостаток на витамин Д, тогаш дополнителното внесување докажано е дека не влијае на густината на коските.
Извор: https://mstrust.org.uk/a-z/osteoporosis
Забелешка: Овој текст има информативен карактер и не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.