Дали ми е потребен третман за мултипла склероза, ако ретко доживувам релапси?
5 работи кои треба да ги знаете
Симптомите на МС се појавуваат периодично. Може да имате периоди кога симптомите се поинтензивни како замор, вкочанетост и слабост, што е познато и како разгорување (flare-up).
Периодите на релапси се менуваат со периоди на ремисија, без симптоми. Релапсите се сосема нови симптоми кои траат повеќе од 24 часа. Тие не претставуваат повторување на стари симптоми, што е вообичаена заблуда.
Целта на третманот за МС е да се забави прогресијата на болеста и да се спречат нови релапси.
Откако ќе се воспостави дијагноза, наскоро почнувате со терапија. Бидејќи нема лек за МС, веројатно ќе треба да земате лекарства во текот на целиот живот, додека не остарите.
Сепак, новите студии нудат ветувачки податоци кои покажуваат дека може да биде безбедно да се запре третманот во 60-тите години од животот, ако болеста не се влошила или ако не се појавило ново заболување.
Дури 20% од лицата дијагностицирани со МС го прекинуваат третманот во првите шест месеци.
Иако третманите за МС не делуваат директно на симптомите, како што се дизајнирани симптоматските лекови, важно е да се придржувате до пропишаната терапија за МС.
Овие лекарства помагаат во забавување на прогресијата на болеста и спречуваат релапси или појава на нови симптоми.
Ако престанете да земате лекови, веројатно ќе доживеете релапс.
Дури и кога се чувствувате добро, следењето на пропишаниот план за третман е најдобриот начин да избегнете долгорочни проблеми поврзани со МС.
Ова се пет причини да се придржувате до пропишаната терапија, без разлика дали имате чести релапси.
- Дури и при само еден релапс може да имате потреба од терапија
Некои лица со МС понекогаш доживуваат само еден релапс.Лекарите овој тип на МС го нарекуваат клинички изолиран синдром (CIS).Не секој пациент со CIS ќе продолжи да развива клинички дефинирана МС, но веројатно тоа ќе биде случај кај некои.
Дури и ако сте имале само една епизода на симптоми, ќе треба да започнете со третман, ако вашиот лекар смета дека може да преминат во МС.
Придржувањето до планот за лекување помага да се намали воспалението во мозокот и ‘рбетниот мозок. Исто така, помага во спречувањето на втор напад и потенцијална долгорочна штета што може да ја предизвика.
- Третманот за МС помага во спречување на релапси
Кај МС, вашиот имун систем по грешка ја напаѓа миелинската обвивка, која ги опкружува и штити нервите.
Со тек на времето, оштетувањето на миелинската обвивка може да ги зафати нервните влакна (долги нервни продолжетоци наречени аксони ), и ова се нарекува аксонално оштетување.
Аксонот е дел од невронот кој го заштитува миелинската обвивка. Продолженото оштетување на аксоните може да доведе до трајно губење на невроните и изумирање на клетките.
Лековите кои ја третираат основната причина за МС се нарекуваат лекови или терапии за модифицирање на болеста (DMT).
Тие помагаат да се промени текот на болеста, спречувајќи го имунолошкиот систем да ги нападне нервите. Овие лекови помагаат да се запре формирањето на нови лезии на мозокот и ‘рбетниот мозок.
Третманите за МС исто така помагаат во намалување на веројатноста за релапс, но тие не ги прават релапсите помалку сериозни.
Ако ја прекинете пропишаната терапија за МС, веројатно ќе доживеете релапс. Ако не се третира, МС може да предизвика уште поголемо оштетување на нервите и влошување на симптомите.
Навременото започнување со третманот и придржувањето до планот за лекување помага во одложување на потенцијална прогресија на болеста од релапсно-ремитентна МС (РРМС), во секундарна прогресивна МС (СПМС).
- Може да дојде до оштетување и без симптоми на МС
Симптомите на МС се појавуваат бидејќи болеста ги оштетува вашите нерви. Може да претпоставите дека ако се чувствувате добро, не се случува штета но, тоа не е точно.
Под површината, болеста може да продолжи да ги уништува нервите во вашиот мозок и ‘рбетниот мозок, дури и ако немате никакви симптоми. Секое оштетување може да биде неповратно.
- Резултатите може да не бидат видливи веднаш, бидете трпеливи
Лекарствата за МС не делуваат преку ноќ и заради ова мала е веројатноста дека ќе почувствувате подобрување веднаш, на почеток на третманот.
За оние кои очекуваат подобрување веднаш, ова може да предизвика чувство на разочарување, па дури и да размислуваат за прекинување на третманот.
Затоа е важно, пред да преземете било какви чекори за промена на третманот, да разговарате со вашиот лекарски тим. Тоа ќе ви овозможи да добиете информации однапред, околу тоа како ќе се одвива третманот.
Прашајте го вашиот лекар што да очекувате кога ќе започнете со употреба на нов лек. На тој начин, ќе знаете дали тоа што не чувствувате подобрување е нормално или терапијата не е делотворна, и треба да се направи промена.
- Несаканите ефекти од терапијата за МС може да се стават под контрола
Речиси секој лек кој го земате може да предизвика несакани ефекти. Некои лекови за МС може да го зголемат ризикот од инфекција. Други може да предизвикаат симптоми слични на грип или болка во стомакот. При инјектирање на одредени лекови за МС може да почувствувате реакција на кожата.
Овие несакани ефекти не се пријатни, но не траат вечно. Повеќето ќе исчезнат после долготрајна употреба на лекот. Вашиот лекар исто така може да ви даде совети и препораки за справување со несаканите ефекти.
Ако несаканите ефекти не се подобрат, разговарајте со вашиот лекар,тој може да препорача промена на терапијата.
Поука:
Важно е да се придржувате до терапијата за МС, пропишана од вашиот лекар.
Лековите помагаат да се спречат нови симптоми. Доколку престанете да ги земате, може да доживеете зачестени релапси, што може да резултира со повеќе оштетувања поврзани со МС.
Важно е да се напомене и дека прекинувањето на третманот за модифицирање на болеста (DMT) не предизвикува повторување на симптомите. Сепак, одредени тригери, како што се топлината и стресот, може да предизвикаат повторна појава.
Разбирањето на начинот на кој делува терапијата ќе ви помогне да разберете зошто е потребно да се придржувате до неа долгорочно.
Секогаш кога ќе започнете терапија со нов лек, прашајте го вашиот лекар што да очекувате. Дознајте после колку време можете да очекувате подобрување.Исто така, прашајте какви несакани ефекти може да предизвика лекот кој го земате и како да се справите со нив.
Размислете за пристапување кон група за поддршка. Ваквите групи се исто така место каде можете да добиете информации во врска со вашата терапија за МС.
Разговор со други лица на кои им е дијагностицирана МС може да ви овозможи увид во тоа како ним им помогнала пропишаната терапија.
Тие исто така можат да ги споделат своите искуства и совети за справување со несакани ефекти од лекарствата.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.