Атрофија на мозокот и МС
Дали има некој симптом на МС кој е пострашен од атрофија на мозокот? Буквално смалување на нашиот мозок. Претпоставувам дека зависи со кого разговарате, но за мене идејата дека мојот мозок се смалува е апсолутно застрашувачка. Многумина дури и не се свесни дека овој симптом за кој малку се зборува може да се појави кај лицата со МС. Всушност откако на интернет се појави дебата на оваа тема решив да ја актуелизирам како би се расчистиле некои заблуди.
Нашиот мозок се смалува?
Иако самата помисла е застрашувачка, кога ќе се достигне зрелоста мозокот кај сите луѓе природно се смалува без разлика дали имате некоја невролошка болест. Сепак лицата со МС може да се соочат со атрофија на мозокот со забрзана стапка (понекогаш и до десет пати побрзо од оние без МС). Ако размислите и не е толку изненадувачки тоа што за разлика од останатата популација кај лицата со МС може да се појави атрофија на мозокот со забрзана стапка. На крајот на краиштата МС предизвикува нашиот имунолошки систем да го нападне миелинот, заштитната обвивка на нервите. Оштетената миелинска обвивка значи дека нашиот севкупен волумен на мозокот (термин кој најчесто се користи за проценка на големината на мозокот) ќе се намали. Очигледно колку е попрогресивна МС, толку се поголеми шансите за атрофија на мозокот.
Ова е лошо, нели?
Како што претпоставувате атрофијата на мозокот не е најсериозниот симптом кој може да го предизвика мултипла склерозата. Всушност тоа може да претставува една од можните причини за когнитивна дисфункција кај лицата со МС. Сепак когнитивните тешкотии не се единствените при губење на волуменот на мозокот. Намалувањето на волуменот на мозокот може да влијае на повеќе делови од организмот, па така претставува и добра мерка во одредувањето не само на развојот на болеста туку и во одредување на степенот на попреченост на лицата со МС. Атрофијата на мозокот во суштина е добар показател за целокупната состојба на лицата со МС.
Справување со состојбата
Борбата против нормалната атрофија на мозокот која се појавува со стареењето е можна со стратегијата „искористете го или изгубете го“. Со други зборови го вежбаме мозокот (загатки, читање, одржување на мозокот активен). Иако истата стратегија е од витално значење кога се бориме против когнитивната дисфункција кај МС, потребно е да се вложи повеќе напор за да не заштити од смалување на волуменот на мозокот. Заштитата од губење на волуменот на мозокот е важна тема за која треба да разговарате со вашиот лекар кога правите план за лекување, бидејќи некои лекови се подобри од другите во забавување на стапката на атрофија на мозокот. Редовното вежбање исто така се покажа корисно во борбата. Следењето на загубата на волуменот на мозокот е исто така добар начин да се процени дали вашиот тековен план за лекување е ефикасен (всушност може да се следи преку преглед на МР со употреба на специјален софтвер).
Разговарајте со вашиот доктор специјалист за МС
Како што беше разговарано на конференцијата „ECTRIMS (European Committee for the Treatment and Research of Multiple Sclerosis), неодамнешна студија покажува дека многу лица со МС немаат значајни познавања за атрофија на мозокот и нејзините ефекти и покрај фактот дека „атрофија на мозокот е сѐ повеќе се користи како мерка за исход во клиничките испитувања за МС и е силно поврзана со развојот на попреченост и невропсихолошки нарушувања. Овие наоди го потврдуваат она што го забележав во дискусиите меѓу лицата со МС. Луѓето едноставно немаат доволно познавања за ефектите од атрофија на мозокот врз нивната болест. На оваа тема, најдобро е да разговарате со вашиот лекар. Ги охрабрувам сите да разговараат со својот лекар дали терапијата која што ја примаат помага во заштита од атрофија на мозокот и дали при следењето на текот на болеста волуменот на мозокот воопшто се зема предвид.
Извор: https://multiplesclerosis.net/living-with-ms/shrinkage-brain-atrophy
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.