Когнитивните нарушувања се поголеми кај пациентите со ППМС наспроти со РРМС
Пациентите со примарно прогресивна мултипла склероза (ППМС) имаат многу поголемо влошување на сознајниот/когнитивниот процес откоку оние со релапсно-ремитентна мултипла склероза (РРМС). Ова е заклучок на една германска студија која ги анализира веќе објавените податоци на оваа тема.
Пациентите со ППМС дале полоши резултати особено на тестовите на вербално учење и меморија, што укажува дека овие пациенти имаат потреба од поголемо менаџирање на болеста, особено во делот на сознајните/когнитивните тешкотии, што најчесто не се поврзани со степенот на физичката инвалидност.
Студијата „Distinct cognitive impairments in different disease courses of multiple sclerosis – A systematic review and meta-analysis“, е објавена во Neuroscience & Biobehavioral Reviews. Во истражувањата на Универзитетската Болница Мунстер во Германија, собрани се информации од 47 претходно објавени студии во обид да се види дали постои разлика меѓу сознајните/когнитивните процеси кај пациентите со ППМС и РРМС.
Студиите вклучиле 4.460 пациенти од кои 3.456 со РРМС и 1.004 со ППМС и собрале многу информации за пациентите и карактеристиките на болеста. Сето ова им овозможило на истражувачите да направат мета-анализи на издвоени податоци од повеќето студии, што се смета за највисоко ниво на научен доказ.
Истражувачите истакнале дека пациентите со ППМС покажале послаби резултати на когнитивните тестови и другите тестови во ова поле. Сепак и двете групи покажале слични нивоа на вознемиреност, депресија и замор.
Употребувајќи статистички анализи, истражувачкиот тим открил дека разликата во полот, образованието, времетраењето на болеста, личните особини и заморот не би можеле да ги објаснат послабите резултати кај пациентите со ППМС. Од друга стана пак пациентите со РРМС, биле во просек постари од оние со ППМС, и тимот дошол до откритие дека разликата во послабите резултати на когнитивните тестови е во делот за брзина и работна меморија. Сепак разликата кај другите когнитивни аспекти останала иста земајќи ја во предвид возраста на пациентите.
Разликите во инвалидноста, измерени со скалата за мерење на инвалидност EDSS (Expanded Disability Status Scale), неможе исто така да ја објасни зошто пациентите со ППМС имале послаби резултати на когнитивните тестови.
Деталниот осврт доведе до заклучок дека најголемите разлики меѓу пациентите со ППМС и РРМС биле во вербалното учење и меморијата, земајќи го тука предвид и факторот разлика во возраст.
Депресија и вознемиреност исто така го успоруваат процесот на обработка на податоците иако и кај двете групи не е направена проценка на нивото на вознемиреност и депресија.
Податоците покажуваат дека вложувањето на спознајните/когнитивни процеси кај мултипла склероза не зависат директно од текот на болеста. Истражувањата можат да ги покажат разликите и во другите фактори, како на пример генетика, степенот на губиток на мозочно ткиво и лековите.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.