Јадењето на овој вид храна може да им помогне на лицата со МС во зголемување на дневната доза на витамин Д
Кај повеќето пациентите со мултипла склероза (МС) често се препишуваат витамини, или им се препорачува исхрана богата со витамини. Тоа е навистина правилно бидејќи земањето на витамини е многу важно. Особено за време на зимскиот период, кога некои луѓе страдаат од сезонско пореметување (анг. seasonal affective disorder), кое може да е предизвикано од ниско ниво на витамин Д. Но тоа не е се: недоволно користење на витамин Д, може да предизвика болки во коските, мускулна слабост, необјаснет замор, тешкотии во размислувањето и уште многу други проблеми.
Доколку сте биле информирани дека нивото на витамин Д ви е ниско, не грижете се, имаме 10 едноставни начини да внесете повеќе витамин Д во текот на денот.
Како прво: излезете надвор. Витаминот Д најчесто се нарекува „витамин на сонцето”. Тоа е поради фактот што најголем извор на истиот е сонцето. Ако живеете во регион каде што има топла клима, обидете се да поминете секојдневно најмалку 10 минути на отворено (но не помеѓу 12 и 14 часот).
Мажи и жени на возраст помеѓу 19 и 70 години треба да внесуваат 600 IU (интернационални единици) но не повеќе од 4000 IU. Постарите од 70 години имаат потреба од повеќе витамин Д, 800 IU, но не повеќе од 4000 IU.
Доколку не можете да поминувате повеќе време на сонце, еве неколку видови на храна кои може да ги употебувате за да го зголеми внесот на витамин Д:
ЛОСОС: можеби ќе ви биде како изненадување, но живиот лосос содржи најголема количина на витамин Д. Јадејќи само 70 грама од оваа риба ќе ви овозможи внесување помеѓу 200 и 600 IU на витамин Д. Земајќи предвид многу факти, може да се заклучи дека производите од риба се богати со витамин Д.
МЛЕКО: друго изненадување во однос на витаминот Д е млекото. Само една шоља од обично или чоколадно млеко содржат 103 IU на витамин Д. Доколку пиете млеко од лешник збогатено со витамин Д, внесувате околку 90 IU на витамин Д.
СОК ОД ПОРТОКАЛ: сокот од портокал е едноставен извор на витамин Д со кој најверојатно сте запознаени, но неговото внесување на дневна база изнесува 50 IU.
ЈАЈЦА: јајцата претставуваат исто така добар извор на витамин Д. Јадењето на 2 јајца дневно е еднакво на 88 IU витамин Д. Како потсетување, јајцата може да ги јадете за доручек, ручек и вечера.
ЈОГУРТ: земете ја вашата доза на витаминот Д за појадок, најоптимално со шоља чист јогурт и вашето омилено овошје. Во јогуртот има 71 IU на витамин Д.
РИБИНО МАСЛО: витамин Д може да се најде и во рибиното масло, тоа е богато со витамин Д, има 427 IU во еден оброк.
ЦЕРЕАЛИ/ЖИТАРИЦИ: особено житарици збогатени со зрна. Ако сте обожавател на житарици со јатки, ова се извонредни вести. Земете здела со малку млеко и житарици кои имаат околу 90 IU на витамин Д.
ГОВЕДСКИ ЏИГЕР: иако малку луѓе го употребуваат, истиот има 50 IU на витамин Д во 99 грама.
ТУНА: Доколку имате чувство дека сета оваа храна бара да биде зготвена, не плашете се. Конзервираната туна има во себе 150 IU на витамин Д.
СУПЛЕМЕНТИ: Доколку не успеете во сето ова, секогаш тука се суплементите. Има голем избор и затоа потребно е да разговарате со вашиот лекар пред да изберете вид и доза за себе. Но премногу витамин Д може да ви наштети. Затоа разговарајте со вашиот доктор кој ќе ви помогне да го направите најдобриот избор за вас.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.