Автоимуни болести како ризик фактори за мултипла склероза
Мултипла склероза (МС), според многу медицински истражувачи се смета за автоимуно заболување, што значи дека имунолошкиот систем на организмот ги напаѓа сопствените клетки. Постојат голем број на болести кои спаѓаат во оваа категорија, вклучувајќи лупус, ревматоиден артритис, псоријаза и Кронова болест.
Кај МС, имунолошкиот систем ја напаѓа масната обвивка на миелинот што ги опкружува и изолира нервните клетки (процес наречен демиелинизација), кој резултира со создавање лузни (лезии). Оштетени се олигодендроцитите – клетки што создаваат миелин, а исто така оштетени се и нервните влакна.
Да се има друга автоимуна болест, може да претставува повисок ризик фактор за развој на МС.
Болест на тироидната жлезда
Мултиплата склероза е поврзана со болести на тироидната жлезда, иако постојат малку студии кои ова го потврдуваат. Болестите на тироидната жлезда може да се развијат и како последица од третманот на МС со интерферон бета или alemtuzumab, што претставува загриженост поради индукцијата на автоимуните заболувања.
Истражувачите заклучиле дека третман со тироидниот хормон придонесува за зголемена замена на миелин кај стаорци со хронично демиелинизирачко заболување, посочувајќи дека хормонот на тироидната жлезда е потребен за нормален развој на прекурсорни клетки кои стануваат клетки кои произведуваат миелин. Во друга студија, истражувачи откриле дека тироидниот хормон промовира повторно миелинизирање во тек во раните фази на болеста.
Дијабетес тип 1
Децата и адолесцентите со дијабетес тип 1 може да имаат зголемен ризик од развој на мултипла склероза, бидејќи и двете состојби имаат заеднички генетски ризик фактори, како факторите на животната средина, исто така и ниското изложување на сонце и ниското ниво на витамин Д може да го зголемат овој ризик.
Иритирачко заболување на цревата
Надразливо заболување на цревата (анг. Irritable bowel disease, IBD) се карактеризира со хронично воспаление на гастроинтестиналниот тракт, што доведува до нарушување на цревната обвивка. Ова нарушување на цревната обвивка може да им овозможи на луминалните антигени премногу да го активираат одговорот на имунитетот на домаќинот, што доведува до системски автоимун одговор. Една студија од Шведска објавила дека нарушувањето на цревната обвивка поддржува појава на експериментален автоимун енцефаломиелитис.
Неодамнешните набљудувања сугерираат поврзаност помеѓу МС и надразливо заболување на цревата, со зголемена инциденца на Кронова болест и улцерозен колитис, двата најчести типа на IBD кај пациентите со МС.
Синдром на иритирани црева
Синдром на иритабилно црево (анг. Irritable bowel syndrome, IBS), исто така, се јавува почесто отколку што се очекуваше кај лица со МС во споредба со општата популација. Иако не се смета за автоимуно заболување, туку функционално нарушување на дигестивниот систем, кај луѓето со IBS се јавуваат имунолошки проблеми кои се во согласност со хронично, но со низок интензитет, активирање на имунолошкиот систем. Може да биде и синдром поврзан со стрес.
Извор: https://multiplesclerosisnewstoday.com/risk-factors-for-multiple-sclerosis/autoimmune-diseases/
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.