Автоимуни нарушувања – прашања и одговори
Што се автоимуни нарушувања ?
Автоимуните нарушувања се однесуваат на болести кај кои имунолошкиот систем погрешно напаѓа здрави клетки, ткива или органи. Вообичаено имунолошкиот систем го штити вашето тело од штетни материи со производство на антитела кои го напаѓаат и уништуваат. Ако имате автоимуно нарушување имунолошкиот систем не може да разликува здраво ткиво од штетни материи, па од овие причини ги напаѓа и здравите клетки.
Постојат повеќе од 80 автоимуни нарушувања, меѓу кои։
- Дијабетес тип 1
- Мијастенија гравис
- Ревматиден артритис
- Мултипла склероза (МС)
- Грвесова болест
- Системски лупус еритематозус
Автоимуно нарушување може да влијае на секој орган или телесен систем како што се мускулите, зглобовите или кожата.
Научниците сѐ уште истражуваат кои се причините за појава на автоимуни заболувања, но шпекулираат дека можеби станува збор за генетска карактеристика која се активира од микроб или некои лекарства.
Кои симптоми се карактеристични за автоимуните нарушувања
Симптомите кај автоимуни нарушувања варираат во зависност од состојбата и засегнатите органи или телесни системи. Во вообичаени симптоми спаѓаат։
- Замор
- Болки во зглобовите
- Треска
- Малаксаност
Невролошкиот тим ангажиран во „Integrated Neurology Services“ најчесто третира мијастенија гравис (myasthenia gravis), невромускулно автоимуно нарушување кое предизвикува слабост во скелетната мускулатура. Симптомите вклучуваат։ спуштени очни капаци, фацијална парализа, тешкотии при одење и тешкотии во говорот.
Како се дијагностицираат автоимуните нарушувања?
Поради многуте видови и варијации на симптомите, автоимуните нарушувања не се едноставни за дијагностицирање. Потребни се сеопфатни проценки за да се утврди основната причина за појава на симптоми. Во текот на прегледот, лекарот најпрвин ги утврдува и анализира симптомите, личната и семејната медицинска историја, а потоа спроведува физички преглед.
За да се потврди или отфрли автоимуно нарушување тимот може да спроведе дијагностички испитувања како што се крвна слика и анализа на урината. За да се дијагностицира автоимуно заболување, тимот доктори спроведува и испитувања за брзината на нервна спроводливост / електромиографија (electromyography/nerve conduction velocity (EMG/NCV), магнетна резонанца (MRI), лумбална пункција итн.
Извор: https://www.integratedneurologyservices.com/services/autoimmune-disorders
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.