Невидливи симптоми на мултипла склероза (МС)
Очигледните симптоми на болеста може да вклучуваат отежнато одење, губење на координацијата, грчеви во мускулите, слабост и промени во говорот… Но понекогаш проблемите предизвикани од МС не се видливи за надворешниот свет. Оштетување на видот, вкочанетост, замор, болка, когнитивни проблеми и сексуална дисфункција се неколку од вообичаените невидливи – скриени симптоми, кои може да го променат животот исто колку и оние кои се видливи со голо око.
Лицата со МС макотрпно се борат со овие симптоми, кои јавноста не може да ги види, па често и не верува дека постојат, лепејќи им епитети како неспособни, мрзливи, нерасположени.Гостин во подкастот е науч. сор. д-р Бојан Бошковски од ЈЗУ Универзитетската клиника за неврологија, Скопје, со кого разговараме токму на тема „Невидливите симптоми на мултипла склероза“, болеста со илјада лица.