Одржан состанок на највисокиот орган на Националното здружение за МС
Скопје, 03. јануари 2020 година
Националното здружение за помош и поддршка на лица со мултипла склероза информира дека на 27. декември 2019 година во Скопје се одржа годишно собрание на Националното здружение за МС. Како правен субјект чија статутарна определба е транспарентно работење ве информираме за нашата работа и превземените активности во изминатата 2019 година.
Како најбитни работи кои беа дискутирани на состанокот на највисокиот орган на здружението ве информираме дека едногласно беше усвоен Годишниот извештај за работа за 2019 година, беа донесени одлуки по однос на структурната организација во здружението и секако по дадени конструктивни предлози и сугестии од страна на присутните, едногласно беше усвоена Годишната програма за работа за 2020 година.
Во рамки на состанокот беше донесена и одлука за давање согласност за покривање на средствата за изработка на електронска картичка за повластено користење на јавниот градски превоз во Скопје на членови на Националното здружение за МС, согласно која финансискиот надоместок за изработка на нови електронски картички за бесплатен превоз целосно го превзеде здружението.
Националното здружение за помош и поддршка на лица со мултипла склероза и понатаму ќе продолжи да се грижи и да ја почитува јавноста во работата, да биде отворено за соработка и несебично ќе продолжи да се залага и работи во интерес на сите пациенти со мултипла склероза и лицата кои се грижат за нив.