Нова веб страница на Националното здружение за МС
Националното здружение за МС информира дека официјално од денес е пуштена во употреба новата обновена веб страница на Националното здружение за помош и поддршка на лицата со мултипла склероза.
И покрај тоа што постоечката веб страница беше корисна, истата нè ограничуваше во нашата крајна цел – да понудиме современа и едноставна алатка. Новата веб страница овозможува полесно пребарување, нуди нови содржини, совети и информации корисни за сите лица со МС, членовите на нивните семејства, негуватели, стручни лица и генерално сите на кои им се потребни информации и помош за оваа хронична болест.
Во иднина, во план на нашите програмски активности е да го прошириме бројот на услуги во зависност од потребите и барањата на лицата со мултипла склероза и членовите на нивните семејства.
Секако, нема да застанеме тука. На агендата на тимот на Националното здружение за МС е предвидено воспоставување соработка и партнерства со физички и правни лица кои имаат ист или сличен предмет и цели на дејствување, заради остварување на заеднички интереси на соработка, а сето тоа во насока на обезбедување на подобар квалитет на живот на лицата со мултипла склероза и нивните семејства, заради полесно справување со предизвиците кои ги наметнува болеста со илјада лица.
Посетете ја и редовно следете ја обновената веб страница на Националното здружение за МС – https://msmakedonija.eu.org/