Здрави закуски за МС: Идеи за брзи и лесни каснувања
КЛУЧНИ ЗАБЕЛЕШКИ
- Не постои начин на исхрана кој би можел да ја излечи или да го забави развојот на МС, но со одбирање на здрави закуски може да се подобри здравјето во целина и да се покачи нивото на животна енергија,
- Треба да се конзумираат закуски со големо количество на влакна, протеини и нутриниенти. Треба да се земат предвид и свежите овошја и зеленчуци, посно месо и житарици,
- Потребно е да се намали внесување на храна која го поттикнува воспалението, вклучувајќи го црвеното месо, преработен шеќер и преработена, пржена и солена храна.
Да се открие каков тип на храна да се конзумира кога имаш МС може да изгледа како решавање на загатка. Бидејќи не постои начин на исхрана што одговара на сите болни од МС, конзумирањето на еден тип на храна може кај едни да предизвика разгорување на болеста, а кај други не. Многу луѓе со МС внимателно ја читаат содржината односно состојките на храната, но што станува тогаш кога сакате да каснете нешто набрзина? Некои лица со МС истакнуваат дека неможат да прескокнуваат оброк од причина што стануваат слаби и поради тоа секогаш со себе носат закуски.
ХРАНЛИВИ ЗАКУСКИ ПОГОДНИ ЗА МС
Хранливите закуски можат да помогнат во борбата со нездраво зголемување на тежината која некогаш се јавува и е предизвикана од лековите за МС, како на пример стероиди. Бидејќи зголемената тежина кај лица со МС може да предизвика дополнителен стрес на зглобовите, и срцеви и проблеми со белите дробови, потребно е земањето на закуските паметно да се употребуваат. Земањето на доволна количина на влакна дневно помага во намалување на констипација, нешто што многу луѓе со МС го имаат.
ЗАКУСКИ БОГАТИ СО ВЛАКНА
Многу видови на преработена храна не е богата со влакна, па оттука бирањето на храна која е богата со влакна е препорачлива. Со тек на време се одвиваат сѐ повеќе испитувањата на цревните бактери и имуниот систем, а влакната играат голема улога во начинот на исхрана кај луѓе со МС.
Влакната може да се најдат во растителна храна, како овошје, зеленчук, зрнеста храна. Исто така растителните влакна се добар извор на антиоксидати. Хранливи закуски се:
- Свежо овошје, вклучувајќи цитрусно овошје, круши и бобинки
- Домашни колачиња од овес и суво грозје заменувајќи го шеќерот и маслото со сос од јабока
- Пуканки со ниска масленост
- Печени леблебии
- Грашак
- Зеленчуци со хумус или намаз од црн грав (обидете се со парчиња краставица, целер или моркови)
- Суви колачи од житарици или ленено семе со гвакамоле кое содржи здрави протеини
Високопротеински закуски
Земањето на протеински шејкови и барови од време на време е добра замена за протеините од непроцесираната храна кои имаат голема нутритивна вредност. Такви се :
- Варени јајца
- Парчиња посно месо, мисиркино и пилешко
- Едамаме, вид на соини зрна
- Несолени фстаци и бадеми
- Коктел од школки
- Лажица полна со путер од кикирики или друг вид на путер
- Процесирано сирење, топчиња од моцарела, младо бело сирење и јогурт (доколку млечните производи не ги влошуваат вашите симптоми на МС)
- Туна, сардини и пушен лосос (кои содржат омега 3 анти инфламаторни киселини)
Избегнувајте вообичаени проблематични видови храна
Храна која предизвикува воспаление можеби е најдобро да ја избегнувате. Тука спаѓаат:
- Заситени масти кои ги има во сланина, путер, полномасни млечни производи и кожата која ја има пилешкото
- Црвено месо
- Облагородени карбохидрати, вклучувајќи го шеќерот и белото брашно
- Транс масти, вклучувајќи хидрогенизирани масти кои ги има во маргаринот.
Некои пациенти на МС укажуваат дека откако ги исклучиле млечните производи од исхраната, дошло до подобрување на состојбата, иако диетата која е без млечни производи, шеќер и леб е прилично тешка.
Избегнувајќи процесирани закуски може да помогне во намалување на сол, шеќер и транс масти.
Сето ова може да помогне во откривање на поттикнувачи на симптомикте на МС, и како учиме за своето тело ни овозможува поздрав живот.
Заменска храна за надминување на потребата од храна
Ако сте многу по благото, намалување на внесот на шеќер е голем предизвик. Шеќерот претставува најлоша работа што би можело да се внесе во организмот, бидејќи според невролозите, има моќен воспалителен ефект. Замена за шеќерот може да се направи преку внесување на :
- Парчиња од замрзнато овошје
- Урми
- Сливи
- Ореви, лешници, бадеми и други орашести плодови прелиени со темно чоколадо
- Јагоди наросени со темно чоколадо
- Пире од тиква орелиено со јаворов сируп
- Печени јаболка со цимет
Треба да се експериментира такашто ќе се употреби бадемово брашно наместо бело брашно за спремање на закуски.
За оние кои сакаат солено, пржена храна како на пример помфрит, треба да земат предвид сами да го подготвуваат помфритот со тоа што ќе користат мала количина на сол и зејтин.
Менувањето на навиките за земање закуски е тешко затоа е потребна мала помош од луѓе со истата дијагноза или пак членови од семејството.
Забелешка: Овој текст има информативен карактер и не оезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.