Консултирајте се со стручно лице: Како да управувате со третманските опции за МС
-
Постојат повеќе опции за третман на МС. Како да знам дека го користам најсоодветниот?
Ако не доживувате релапси, симптомите не се влошуваат и немате несакани ефекти, третманот веројатно е соодветен за вас.
Во зависност од терапијата, вашиот невролог може да побара да се спроведат тестови, вклучително и анализа на крвта, како би бил сигурен дека третманот е безбеден за вас.Може да потрае и до шест месеци додека терапијатаза МС почне да делува. Ако во овој период доживеете релапс, тоа не мора да значи дека третманот е неуспешен.
Контактирајте го вашиот невролог ако имате нови или влошени симптоми. Ако покрај тоа имате и несакани ефекти поврзани со терапијата, можеби има потреба од промена.
-
Дали третманот со само инјектирање на лекарства е подобар во споредба со оралното внесување, или обратно? Што со инфузијата?
Кај МС, се употребуваат две терапии кои е потребно да се внесуваат со инјектирање. Едната е interferon beta, а другата е glatiramer acetate. И покрај тоа што се внесуваат со инјектирање, овие лекови имаат помалку несакани ефекти од останатите.
Во терапии кои се внесуваат орално спаѓаат:
- dimethyl fumarate
- teriflunomide
- fingolimod
- siponimod
- cladribine
Овие лекарства, во споредба со оние кои се внесуваат со инјектирање, се покомфорни за администрирање и поефикасни при намалување на релапсите. Но, тие исто така можат да предизвикаат несакани ефекти.
Во терапиите кои се внесуваат преку инфузија спаѓаат natalizumab, ocrelizumab, mitoxantron и alemtuzumab. Терапијата од овој вид се аплицира во клинички услови, еднаш на неколку недели или месеци и е најефикасна во третманот за намалување на релапси.
-
Кои се најчестите несакани ефекти предизвикани од терапиите за МС?
Несаканите ефекти зависат од терапијата која ја користите. Секогаш разговарајте со вашиот невролог за сите потенцијални несакани ефекти.
При интерферонска терапија, вообичаените несакани ефекти вклучуваат симптоми слични на грип. Glatiramer acetate може да предизвика липодистрофија на местото на инјектирање, како и абнормална акумулација на маснотии.
Вообичаените несакани ефекти кај терапиите кои се внесуваат орално вклучуваат:
- гастроинтестинални симптоми
- црвенило
- инфекции
- покачување на ензимите на црниот дроб
- низок број на бели крвни зрнца
Терапиите кои се внесуваат преку инфузија, не толку често но, сепак може да предизвикаат сериозен ризик од инфекции, карциноми, и секундарно автоимуно заболување.
-
Кои се целите на мојот третман за МС?
Целта на терапијата за модификација на болеста е да се намали фреквенцијата и сериозноста на релапсите кај МС. Релапсите кај лицата со МС може да предизвикаат краткотрајна попреченост.
Повеќето невролози веруваат дека спречувањето на релапси кај лицата со МС може да ја одложи или спречи долготрајната попреченост. Терапиите за МС не ги подобруваат симптомите сами по себе, но тие можат да спречат повреди, како резултат на МС и да овозможат заздравување на вашето тело. DMT се ефикасни за намалување на релапсите.
Ocrelizumab е единствената одобрена терапија за примарна прогресивна МС. Одобрена терапија за лицата со секундарна прогресивна МС кои неодамна имале релапси е Siponimod и cladribine. Целта на третманот за прогресивна МС е да се забави текот на болеста и да се подобри квалитетот на живот.
Други терапии се користат за лекување на хронични симптоми на МС, кои можат да доведат до значително подобрување на квалитетот на животот. Разговарајте со вашиот невролог за третманот на симптомите на МС, како и за третманот за модификација на болеста (DMT).
-
Други лекарства за третман на специфични симптоми, како што се грчеви во мускулите или замор, може да ги препише мојот лекар?
Ако имате грчеви во мускулите и спазми, вашиот лекар може да препорача преглед за абнормалности на електролитите. Вежби за истегнување во рамки на физикалната терапија, исто така помагаат.
Доколку е потребно, за спазми најчесто се препишува „baclofen и tizanidine”. Baclofen може да предизвика минлива мускулна слабост, а tizanidine сува уста.
Бензодиазепините, можат да бидат корисни за спастичност, вклучително и затегнатост во мускулите што се јавува ноќе. Но, тие можат да предизвикаат поспаност. Ако овие лекарства не помагаат, може да бидат корисни повремени инекции на ботокс или интратекална пумпа за баклофен.
Пациентите кои чувствуваат замор најпрвин треба да се обидат да го прилагодат начинот на живот, вклучително и редовно вежбање. Вашиот лекарможе да спроведе испитувања за вообичаените причини за замор, како што се депресија, и нарушен сон.
Доколку е потребно, вообичаени лекарства за замор се “modafinil и amantadine”.Вашиот лекар може да препорача и стимуланси како што се “dextroamphetamine-amphetamine и methylphenidate”.Зборувајте со вашиот невролог за да го пронајдете најдобриот третман за симптомите на МС.
-
Дали е достапна финансиска помош?
Консултирајте се со вашиот невролог на кој начин можете да побарате одобрување за партиципација за сите дијагностички прегледи, третмани, како и помагала кои ги користите, а се поврзани со МС. Во зависност од приходите во вашето домаќинство, фондот за здравство може да покрие дел од трошоците за вашиот третман за МС.
Ако добиете нега во специјализиран центар за МС, можеби сте подобни да се вклучите во клинички истражувања, што може да ви помогне да покриете дел од трошоците за лекување.
-
Кои чекори треба да ги преземам ако терапијата престане да делува?
Постојат две причини за промена на терапијата. Една од причините е појава на нови или влошени невролошки симптоми и покрај тековниот третман.Другата причина се несаканите ефекти кои го отежнуваат продолжувањето на тековната терапија.
Консултирајте се со неврологот дали вашиот третман е сѐ уште ефикасен. Не прекинувајте ја терапијата самостојно, со тоа може да предизвикате зголемување на бројот на релапси.
-
Дали планот за третман ќе се промени со текот на времето?
Ако се чувствувате добро, и нема појава на позначајни несакани ефекти од терапијата, нема потреба да го менувате планот за лекување.Некои луѓе, со години остануваат на ист третман.
Терапијата може да се промени ако почувствувате влошување на невролошките симптоми, развој на несакани ефекти или ако испитувањата покажат дека не е безбедно да се продолжи со третманот. Научниците активно се вклучени во пронаоѓање и примена на нови третмани. Тоа значи дека во иднина би биле достапни нови и подобри третмански опции.
-
Дали би ми била потребна физикална терапија?
Физикалната терапија е честа препорака за лицата со МС.Се користи за забрзување на процесот на закрепнување по релапс, како и за враќање во претходна состојба, одржување на физичката активност.
Физикалните терапевти откриваат и третираат тешкотии при одењето, како и проблеми поврзани со слабост на нозете.
Професионалните терапевти им помагаат на пациентите да ја вратат функцијата на рацете, со што би се олеснило извршувањето на секојдневните обврски.
Логопедите пак, помагаат во обновување на јазичните и комуникациските способности.
Вестибуларната терапија помага при проблеми со вртоглавица и губење рамнотежа (хронична вртоглавица).
Во зависност од симптомите, неврологот може да ве упати на некој од овие специјалисти.
Извор: https://www.healthline.com/health/multiple-sclerosis/expert-navigate-treatment-options
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.