Корисна употреба на технологијата
Четири начини на користење на технологијата кои може да помогнат да водите поздрав живот
Пријателите, семејството и вашиот здравствениот тим се одлични ресурси кои можат да ви помогнат да ги достигнете целите на третманот за релапсирачка мултипла склероза (МС) и да ве водат по патот за справување со МС. Но, постои и дополнителна поддршка, а тоа е дигиталната. Ова се само неколку онлајн ресурси кои треба да ги земете во предвид, а може да ви бидат од полза и да ве поврзат со останатите во МС заедницата.
Вашиот доктор е секогаш најдобриот ресурс кога истражувате начини за управување со симптомите на МС, затоа не заборавајте да разговарате со него за овие или други технолошки достигнувања кои сметате дека би можеле да ви помогнат.
Гледајте видео содржини на интернет
Видео содржините кои може да се најдат на интернет се корисни затоа што може да создадат поинтимна врска со гледачот и може да бидат поинтересни и поинтерактивни отколку читањето текст. Можат да помогнат да се едуцирате за општи теми поврзани со МС или да понудат конкретни совети за теми како што се справување со вашата дијагноза или редовно вежбање.
Приклучете се во групи за поддршка на лица со МС на интернет
Генерално групите за поддршка се одличен начин да се поврзете со останатите кои минуваат низ искуство слично на вашето. Има широк спектар на групи за поддршка достапни на интернет. Во овие групи за поддршка можете да зборувате за она што ве мачи, да слушате искуства од останатите кои живеат со МС или да го споделите вашето сопствено искуство со останатите ширум светот, а сето тоа без да го напуштите вашиот дом.
Преземете мобилни апликации
Постојат голем број различни апликации за вашиот паметен телефон кои можете да ги користите за да нарачате облека и храна, да купите билети за кино проекции или да ја проверите временската прогноза. Но, постојат и многу апликации кои може да бидат полезни за вашиот начин на живот.
Апликациите фокусирани на здравјето се опција која ви овозможува да ја следите вашата исхрана и физичка активност, да се поврзете со медицинските лица преку видео разговор и да ги следите симптомите и третманите. Преземањето на овие апликации на вашиот паметен телефон е многу лесно, и многу од нив се бесплатни. Некои апликации може да ви испраќаат потсетници кога треба да ги земете лекарствата, да закажете следен преглед кај вашиот лекар или да ве потсетат на претстојниот преглед.
Поврзете се преку уреди кои се прикачуваат на телото
Заедно со мобилните апликации уредите кои се прикачуваат се одличен начин за следење на вашата активност. Ова се дигитални уреди кои можат да се прикачат на телото и лесно да се синхронизираат со вашиот паметен телефон или компјутер. Може да се прикачат на телото или на вашата облека, често во форма на рачен часовник или бразлетна, и се користат за следење на вашата дневна здравствена активност – вклучувајќи го бројот на чекори, отчукувањата на срцето и циклусот на спиење.
Со користењето на ваков уред лесно можете да ја следите вашата активност без да размислувате за тоа. Овие уреди најчесто работат заедно со апликација на паметен телефон, затоа ако набавите уред кој се прикачува не заборавајте да ја преземете и придружната мобилна апликација. Не заборавајте податоците кои ќе ги приберете да ги споделите со вашиот лекар. На овој начин ќе обезбедите повеќе информации околу вашата секојдневна активност.
Употребата на технологијата би требало да ни го олесни животот. Без разлика дали се справувате со МС или не, користењето на технологијата е одличен начин за учење нови работи, поврзување со други луѓе и за следење на здравствената состојба. Сите овие уреди вреди да се погледнат но, важно е да спроведете сопствено истражување околу тоа кои од технолошките достигнувања би биле најкорисни за вас.
Извор: https://www.abovems.com/en_us/home/living-with-ms/daily-life/technology.html
Забелешка: Овој текст има информативен карактер и не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.