Како се користи електро мускулна стимулација во третманите за мултипла склероза

Мултипла склероза: тоа е состојба за која многумина од нас слушнале, но не се доволно запознаени. Ајде да зборуваме за тоа што е мултипла склероза (МС), кои се најчестите симптоми и како можете да користите електро мускулна стимулација (EMS) во третманите за МС.

Што е мултипла склероза?

Според „Healthline“ мултипла склероза е „хронична болест која го зафаќа централниот нервен систем“. Болеста предизвикува имунолошкиот систем да го нападне миелинот (заштитната обвивка околу нервните влакна), што потоа предизвикува воспаление и лезии или лузни во централниот нервен систем. Лезиите понекогаш можат сами да заздрават. Во други случаи штетата не може да се поправи.

Поради тоа што влијае на централниот нервен систем, мултипла склероза го отежнува протокот на сигнали од мозокот до целото тело. Работите кои порано ги правевте без размислување одеднаш изгледаат невозможни, што може да биде причина за еден од најчестите симптоми: отежнато движење.

Тешкотиите при одење може да се должат на замор (уште еден многу чест симптом на МС), визуелни или когнитивни проблеми или тешкотии со координацијата, слабост, лоша рамнотежа, вкочанетост или грчеви предизвикани од оштетените нервни патишта.

Други симптоми на мултипла склероза вклучуваат:

• Вкочанетост
• Вкочанетост поврзана со мускулни грчеви
• Слабост
• Вртоглавица или зашеметеност
• Проблеми со видот
• Проблеми со цревата и мочниот меур

Меѓу мноштвото симптоми, има и поретки симптоми кои можат да се појават подоцна во текот на болеста. Тие вклучуваат проблеми со говорот, тремор, проблеми со дишењето и голтањето, напади, па дури и губење на слухот.

Healthline наведува дека МС може да варира индивидуално. Всушност, постојат различни воспоставени типови: клинички изолиран синдром (CIS), релапсно-ремитентна МС (RRMS), примарно прогресивна МС (PPMS) и секундарно прогресивна МС (SPMS).

Кај клинички изолираниот синдром (CIS), една епизода на симптоми трае најмалку еден ден. Кај релапсно- ремитентната МС (RRMS) постојат јасни релапси на активноста на болеста проследени со ремисии. Симптомите не се толку интензивни и понекогаш не се присутни за време на ремисија.

Кај примарно прогресивната МС (PPMS) невролошките симптоми прогресивно се влошуваат, а кога РРМС преминува во прогресивна форма, тогаш се претвора во секундарно прогресивна МС (SPMS).

Бидејќи МС се манифестира различно, планот за третман на лице кое доживува одреден тип на МС може да не функционира за друго лице кое поминува низ различен тип. Само еден пристап не одговара за секој случај.

Сепак, научниците продолжија да бараат начини за ублажување на симптомите, а многу медицински професионалци се согласуваат дека електричната мускулна стимулација може да помогне со еден особено чест симптом: тешкотии при одење.

Како се користи електро мускулна стимулација во третманите за МС

Според Healthline, користењето на EMС за третман на МС всушност било претставено уште во филмот „First Steps“ од 1985 година. Сепак, експертите тогаш се потсмевале на тоа како електo мускулна стимулација се претставува како ефикасен третман за лицата со оваа состојба.

Во денешно време студиите сугерираат дека EMС може да им помогне на лицата кои живеат со МС на специфични начини. Всушност, Healthline сподели дека иако во минатото идејата за користење електро мускулната стимулација им давала лажна надеж на пациентите, денеска претставува одржлива опција за третман на лицата со  МС.

Според „International Functional Electrical Stimulation Society (IFESS)“ EMС се употребува различно во зависност од типот на МС и симптомите. Исто така, вреди да се напомене дека за EMС да функционира, нервните влакна помеѓу мускулите и ‘рбетниот мозок не смее да бидат оштетени.

Како EMС конкретно може да помогне во ублажувањето на симптомите на МС?

Гледаме професионални спортисти и секојдневни посетители на теретана како користат електро стимулација на мускулите. Но, како делува кај лицата со МС?

Националното здружение за МС „The National Multiple Sclerosis Society“ наведува дека примената на благ електричен стимул на мускулите може да му помогне на телото да се движи подобро. Третманот со електрична стимулација може да обезбеди надворешен поттик за да се стегне мускулот, што може да биде корисно за спротивставување на оштетувањето на нервите предизвикано од МС.

На овој начин може да биде од помош при движењето. Електро мускулна стимулација предизвикува контракции во мускулите кои инаку не можат да се контролираат. Истражувањата сугерираат дека стимулацијата може да им помогне на луѓето да одат побрзо, подалеку и со поголема самодоверба (иако за да биде целосно јасно потребни се дополнителни студии).

EMС е исто така добар начин за ублажување на болката и грчевите во мускулите – уште два симптоми на мултипла склероза.

Размислете за видеата што сте ги виделе од електричната мускулна стимулација во акција. Лицето го применува третманот на својот мускул, кој потоа инертно се згрчува.

Истиот процес може да им помогне на лицата со МС да ги разбудат сопствените мускули и повторно да добијат поголема контрола врз одењето.

Многу други придобивки од електро мускулна стимулација

Моќта на EMС не завршува тука. Според „International Functional Electrical Stimulation Society (IFESS)“ електричната стимулација може да ја подобри мускулната сила, мобилноста, закрепнувањето и заздравувањето по повреда. Бидејќи ја промовира циркулацијата на крвта, ова овозможува EMС дополнително да промовира закрепнување на мускулите.

Мобилноста е од особена важност за лицата кои имаат канцелариска работа, патуваат често  или на друг се приморани да минуваат многу време во седечка или лежечка положба. Намалената подвижност е честа причина за грчеви во мускулите, истегнување и повреди. И активните, како и помалку подвижните лица може да се соочат со тешкотии при движењето, така што електричната мускулна стимулација, како дел од вашиот секојдневен животен стил нуди голем бенефит. Може да ја користите дури и кога вежбате.

EMС се покажува како ефикасна алатка не само во борбата против симптомите на мултипла склероза, туку и како алатка за одржување на целокупната здравствена благосостојба.

 

Извор:  https://eu.powerdot.com/blogs/training/electric-muscle-stimulation-for-ms

Забелешка: Овој текст има информативен карактер и не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.