Не е релапс секојпат кога се чувствувам полошо. Зошто?
Има моменти кога симптомите ми се влошуваат и не се чувствувам добро и до неколку часа, што ме загрижува дали сум во фаза релапс. Животот со МС е непредвидлив. Кога чувствувам жештина во нозете, кога вкочанетоста е поизразена, заморот ме совладува или ми се појавува тремор во стапалата се прашувам։ „Дали сум во фаза на релапс, дали тоа што го чувствувам е некаков вид на псевдо-егзацербација, или се случува нешто сосема друго?“.
Звучи познато?
Неодамна присуствував на презентација за едукација на пациенти „Hot Topics in MS“ организирана од „Multiple Sclerosis Association of America (MSAA)“ со Д-р Rip Kinkel, раководител на програмата за мултипла склероза при „Department of Neurosciences“ при „UC San Diego“. Во дел од презентацијата тој постави прашање։ „Зошто не станува збор за релапс секогаш кога се чувствувам полошо?“ Бев благодарен што зборуваше на оваа тема бидејќи мислам дека со ова прашање се соочуваме речиси сите, а неговата листа на „работи кои треба да се отфрлат“ пред да се донесат заклучоци многу ми се допадна.
- работи кои треба да се земат предвид кога се сомневате во релапс:
- Несакани дејства на лекарствата
- Влијание на други медицински состојби
- Болни дразби кои ја зголемуваат спастичноста и грчевите
- Тежок функционален статус
- Флуктуации на симптомите со хормонален циклус
- Ефекти од стрес, вознемиреност или депресија
- Покачена температура која го предизвикува феноменот „Uhthoff“
Кога ја разгледав оваа листа 5 од точките ми беа познати։ број 1,2,5 и 6. Сфаќам дека се ова речиси сите точки, но овие се посебно важни. Ајде да ги разгледаме поединечно.
Кои се несаканите ефекти од лекарствата кои ги примаме?
Д-р Kinkel го повтори она што веќе го слушнав од Д-р Jody Corey-Bloom, професор по невронаука на „UCSD“. Минатата година за време на годишниот симпозиум за МС (Annual MS Symposium) во San Diego, доторот, при своето обраќање рече дека кога лицата со МС чувствуваат некој нов или влошен симптом секогаш пред да се посомневаат во нов релапс добро би било да ги проверат несаканите дејства на лекарствата кои ги примаат. Ова е добар совет од лекарите, има смисол.
Дали она што го чувствуваме се должи на други медицински состојби?
Ова е нешто на што секако треба да се обрне внимание. Пред неколку години доживеав интензивен симптом, двоен вид (диплопија) и бидејќи живеам со МС природно го припишав на болеста. Зборот „релапс“ секако ми помина низ главата. Но, двојната визија со која се справував воопшто не беше поврзана со МС. Се консултирав со мојот невролог и офталмолог кој утврди дека се работи за конвергентна инсуфициенција. Ми препорача вежби за очи „eye push ups“.
Дали се чувствуваме полошо поради нашите хормони?
(Извинете момци, но овој дел е за дамите) Хм. Ова е дефинитивно можно, барем во мојот случај. Забележав дека непосредно пред менструалниот циклус се чувствувам полошо, а се сомневам дека причината е тоа што телесната температура се намалува. Не е воопшто забавно, особено затоа што почувствував и нови симптоми, бранови на жештина. За да си помогнам открив нов трик. Кога ги чувствувам овие бранови на топлина ставам ладни облоги на внатрешната страна од лактот, точно каде што се мери пулсот и ги оставам петнаесетина минути. Откако ќе се опоравам можам да се вратам на тоа што го правам, што и да е тоа (се надевам нешто забавно).
Како на нас влијаат стресот, вознемиреноста и депресијата
Мислам дека секогаш е добра идеја да се преиспитаме самите себе и да откриеме како стресот влијае на нашите животи и како прави да се чувствуваме. Истото важи и за вознемиреноста и депресијата. Сите три можат да предизвикаат различни физички одговори, нели? За полесно да се справам со овие состојби се обидувам да практикувам активности за ослободување од стрес како вежбање, медитација, јога и правилна исхрана.
Дали покачената телесна температура го предизвикува феноменот Uhthoff?
Што е тоа „Uhthoff’s phenomenon“? Јас гледам на тоа како симтомите на МС да се влошуваат кога телото се прегрева од причини како што се топлото време, вежбање, топла бања и слично. Ова ми се случува постојано, особено кога сум предолго изложена на топлото калифорниско сонце. За среќа работам и живеам во климатизирана средина и на тој начин ја одржувам температурата кое помага да се чувствувам најдобро што може.
Секако јас не сум доктор, ниту пак делам докторски совети на ТВ. Ако сте загрижени за појавата на некој нов симптом или нов тек на болеста ве молам обратете се кај својот лекар и можете заедно да ја прегледате листата на Д-р Kinkel со што ќе бидете сигурни дека ќе биде земено предвид сѐ.
А вие? Дали и вие сте се соочиле со промени во вашето тело кои се карактеристични за МС, но се покажало дека не се поврзани? Или можеби се сте го доживеале спротивното? Симптомите кои сте ги доживеале навистина биле предизвикани од МС и сте се соочиле со релапс? Се надевам дека оваа листа од „7 работи кои треба да се земат предвид при сомневање во релапс“ ќе ви помогне да се движите низ тешкиот тек на мултипла склероза.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.