Плетење – јога за вашиот мозок
Позитивни здравствени ефекти од плетењето
Позитивните ефекти по здравјето од плетењето се проучувани долго време. Многу истражувачи велат дека плетењето е новиот умствен спокој. Ритмичкото движење на плетењето како и хеклањето е битно и често се споредува со спокојната свест, внимателноста.
Внимателноста е ефикасен лек за стрес. Не е ни чудо што е откриено дека плетењето и хеклањето исто така го ублажуваат стресот, болката, па дури и депресијата. Во исто време, плетењето нуди добредојдена пауза за оние кои се борат со огромна поплава од информации и постојано брзање. Тоа учи на трпение.
Некои застапници на плетењето дури го нарекуваат и нова јога. И двете се древни вештини кои придонесуваат кај лицата кои ова го практикуваат да забават и да престанат да размислуваат за сегашниот момент. Го ставаат мозокот во медитативен режим.
Го олеснува учењето и ја подобрува меморијата
Плетењето нуди низа други церебрални придобивки: откриено е дека го олеснува учењето, ја зголемува моќта на концентрација, ја подобрува меморијата и ги развива моторните вештини. Тоа е од особена корист за кинестетичките ученици на кои им е полесно да учат преку движење, било да е тоа движење на рацете или одење. Ритмичкото движење на рацете при плетење или хеклање служи како ефективно помагало за памтење.
Го ублажува стресот
Плетењето е толку добро за мозокот што има смисла сите, млади и стари, да ја научат оваа вештина и целосно да ја вклучат во негата на мозокот. Плетењето е добро за мозокот; и го држи стресот под контрола, а исходот од завршената работа – џемпер, шал, пар белезници или волнена капа – ве расположува и ви дава чувство на реализираност. Дел од задоволството произлегува од бојата и составот на волната.
Помага при дислексија, дисграфија и проблеми со концентрацијата
Плетењето помага во темпото на бурниот и стресен работен ден. Можете да плетете кога присуствувате на предавање, седите во чекалната на стоматолог или доктор или се возите во автобус или воз. Ако плетењето и хеклањето се дозволени на училиште, би можело да има помали нарушувања на часовите. Корисните ефекти на плетењето се поткрепени со ветувачки резултати постигнати кај ученици кои страдаат од дислексија, дисграфија и АДХД.
Ја ублажува болката
Во светот расте свеста за терапевтските ефекти на плетењето. Во Обединетото Кралство, на пример, постигнати се позитивни резултати при лекување на лица со панични нарушувања и хронична болка. Кога плетете, луѓето „забораваат“ на физичката и менталната болка, нивото на хормонот на стрес кортизол опаѓа, а нивото на допамин и серотонин хормоните за задоволство се зголемува. На пример, во Бат, Обединетото Кралство, има група луѓе кои страдаат од хронични болки кои редовно се среќаваат во клиниката за болки во локалната болница за да плетат заедно.
Корисни ефекти од плетењето:
- Може да ја ублажи депресијата и стресот
- Може да ги подобри резултатите од учењето и моќта на концентрација
- Ги подобрува моторните вештини
- Може да спречи нарушувања на меморијата и деменција
- Предизвикува медитативна ментална состојба на одобрување на свесно присуство
- Може да ја ублажи хроничната болка
Забелешка: Овој текст има информативен карактер и не оезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.