Митови и заблуди за МС
Митови и заблуди за МС
1. „Нема ефикасна терапија за МС“
Иако, моментално нема лек за мултиплa склероза, постојат ефикасни третмани за оваа состојба. Терапијата која влијае на текот на болеста е многу унапредена и усовршена, така што повеќето заболени од оваа тешка болест, поголемиот дел од времето функционираат добро.
2. „Не би требало да имате деца доколку имате МС “
Истражувањата покажале дека лицата заболени од мултипла склероза имаат здрави деца, се грижат за децата сосема добро, а децата на родителите заболени од МС добро се прилагодуваат на ситуацијата. Бременоста и раѓањето обично не ја влошуваат состојбата предизвикана од МС. Иако, кај децата чии родители боледуваат од МС понекогаш постои поголема можност да се развие мултиплa склероза сепак ризикот е мал.
3. „Секој заболен од МС ќе заврши во инвалидска количка“
Кај 7 од 10 пациенти со МС има блага до умерена попреченост во движењето, но остануваат мобилни. Може да се случи некое ортопедско помагало да им биде неопходно, на пример бастун кој обично помага при тешкотии со рамнотежата. Но, идејата дека секое лице кое боледува од МС ќе заврши во инвалидска количка всушност е апсолутна заблуда.
4. „Влошувањето на состојбата значи дека вашата терапија повеќе не функционира“
Ниту една терапија не е стопроцентно ефикасна. Многумина ќе искусат периоди на влошување на состојбата, кое не мора да биде сериозно, но релапсите сепак се случуваат.
5. „МС е болест од која се умира“
Факт е дека животниот век на лицата со МС е отприлика ист како животниот век на лицата кои не боледуваат од оваа болест. Повеќето пациенти со МС умираат од истите здравствени причини како и повеќето луѓе од популацијата.
6. „Симптомите на МС се единствено поврзани со физичката состојба“
Иако, тешките когнитивни оштетувања се воочливи кај мала група на лица заболени од МС, дури кај 2/3 пациенти се регистрираат нарушувања од ваков вид. Ова вклучува проблеми со помнењето, вештината во комуницирање, внимание или можност за концентрација и сл.
7. „МС е иста кај секого“
Прогресијата и симптомите на мултипла склерозата варираат од пациент до пациент. Спектарот на симптоми е толку широк што за среќа некои лица заболени од МС никогаш нема целосно да ги искусат сите симптоми.
8. „Луѓето со МС не би требало да бидат активни“
Без сомнеж, сите сме свеснии за благодетите на вежбањето. За лицата болни од МС ова е од извонредно значење, без поглед на фазата на самата болест.
9. „МС е заразна“
Со оглед на постоечките сознанија причината за МС подразбира комбинација на неколку фактори кои влијаат на предизвикување болеста. Тие вклучуваат имунологија (Односно функционирање на имуниот систем), опкружување (различните влијанија на кои сме изложени во текот на животот, како и самото место на живеење) и нејзиното височество – генетиката (односно нашите гени). Така што кога ќе се земе сето ова предвид МС НЕ Е ЗАРАЗНА.
10. „Постои лек за МС“
Моментално не постои лек за МС, но постоечката достапна терапија воспоставува контрола над оваа сериозна болест и овозможува нормален и исполнет живот.
11. „МС не боли (болката не е симптом на МС)“
Болката е чест симптом кај мултиплa склерозата. Преку 50% од лицата заболени од МС искусиле болка, додека кај 10-20% болката е изразена. Сепак за многу пациенти заболени од МС болката претставува хроничен проблем со кој секојдневно се соочуваат.