5 едноставни начини да се справите со проблемите со меморијата кај MС
Одите на компјутерот за да погледнете нешто, но штом ќе стигнете таму, не се сеќавате што ви требаше. Дали се борите со проблемите со меморијата? Вие не сте сами. Многу луѓе со MС имаат тешкотии да се сеќаваат на нештата. За среќа, постојат неколку лесни работи што можете да ги направите за да се справите со проблемите меморијата кај МС.
Овие 5 едноставни начини за справување со проблемите на MС меморијата вклучуваат совети за тоа како да ја подобрите и како да живеете со проблемите со меморијата. Прочитајте за да дознаете повеќе како можете да се справите со заборавањето.
Тренирајте го вашиот мозок
Работите да го задржите вашето тело силно, па зошто да не работите за да си го задржите својот ум силен? Постојат многу апликации за обука на мозокот, игри за меморија и веб-страници кои ќе ви помогнат да ја подобрите меморијата за само неколку минути на ден.
Пијте повеќе сок
Истражувањата покажуваат дека овошните сокови можат да помогнат во зајакнувањето на вашата меморија. Овошјето како јаболка, боровинки, калинка, портокал и грозје се одлични за зголемување на моќта на мозокот.
Задржете ја мислата
Кога сакате да запаметите нешто важно, запишете го и кажете го тоа гласно. Нешто што ќе ве потсети. На пример, кажи си себе си: “Ќе се сетам да ја повикам Сали кога ќе влезам во соседната соба….”. Едноставниот акт на паузирање и намерно вложување напори да се запамети ќе ја зголеми вашата способност да се потсетите на информациите.
Користете броеви и техники за меморирање
Ако немате список за пазарење, барем потрудете се да запомните колку артикли ви се потребни. Дополнително, можете да употребите мнемоника (правила и вештини за добро памтење) за да ја запамтите листата. На пример, ако ви треба млеко, јајца, целер и сос од домати, повторувајте го акронимот МЈЦС во себе додека одите во продавницата. Првата буква од секоја ставка ќе ви помогне да се сетите што ви треба.
Користете помошни средства (алатки)
Може да биде потребно време за да ја подобрите меморијата, па дури и откако ќе биде подобро, сè уште не можете да се потпрете на сеќавањата. Тоа е во ред. Користете листи. Поставете потсетници на вашиот телефон или таблет. Користете планер да останете на вистинскиот пат. Дури и без проблеми со меморијата постојат развиени мрежи за безбедносни мерки. Не чувствувајте се лошо ако треба да ги користите овие алатки додека работите на подобрување на вашата меморија.
Овие 5 едноставни начини за справување со проблемите со меморијата на MС ќе ве спречат да ги заборавате работите толку често. Кој е вашиот омилен совет за зголемување на вашата меморија?
Извор: http://www.mslivingsymptomfree.com/blog/5-Simple-Ways-to-Deal-with-MS-Memory-Problems.htm
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.