Кога МС предизвикува кожни симптоми?
Оштетувањето на мозокот и ‘рбетниот мозок може да предизвика различни абнормални сензации на кожата. Сепак, сензациите всушност немаат никаква врска со кожата.
Практично сите симптоми на МС се резултат на оштетувањата на мозокот и ‘рбетниот мозок кои ги предизвикува МС. Оштетувањето на сензорните патеки во централниот нервен систем може да предизвика абнормални сензации на друго место во телото, вклучително и кожата, вели Barbara Giesser специјалист за МС во „Pacific Neuroscience Institute во Santa Monica, California“, и почесен професор по клиничка неврологија на „David Geffen UCLA School of Medicine во Los Angeles“.
Овие абнормални сензации може да вклучуваат вкочанетост, пецкање, болка и чешање, како и чувство на лазење на инсекти, капење вода, влажност, притисок и вибрации во одредени делови на телото.
Сепак, овие сензации немаат никаква врска со кожата. Наместо тоа тие се должат на оштетување на делови од мозокот кои примаат сигнали од нервите кои предизвикуваат сензација на кожата. „Може да чувствувате како вашата кожа да гори, но вие не сте ја изгореле кожата. Нервите испраќаат погрешна порака“, објаснува Dr. Giesser.
Типови на болка на кожата предизвикани од МС
Според „National Institute of Neurological Disorders and Stroke“ повеќето лица со МС доживуваат парестезии кои се абнормални, привремени сензации, вклучувајќи вкочанетост или чувство на боцкање.
Според „National Multiple Sclerosis Society“ други симптоми вклучуваат целосно губење на чувството на кожата (хипестезија) и дизестезии (болни сензации кои можат да ги зафатат нозете, стапалата, рацете и дланките), кои се доживуваат како печење, боцкање, прободување, мрзнење, чешање или електрични сензации.
Третмани за кожни болки предизвикани од МС
Различни лекови и третмани може да помогнат во ублажување на симптомите на кожата поврзани со МС. Тие вклучуваат:
- Лекови против напади како што се Tegretol (carbamazepine), Neurontin (gabapentin), и Lyrica (pregabalin). Тие делуваат така што помагаат да се блокира способноста на нервите да пренесуваат болни сензации, објаснува Giesser.
- Антидепресиви како што се Pamelor (nortriptyline), Elavil (amitriptyline), и Cymbalta (duloxetine). Тие делуваат со намалување на ексцитабилноста на нервите.
- Lidocaine лепенки за лекување на силна болка во локализирана област.
- Креми за локална употреба, како што е кремот capsaicin кои можат да предизвикаат привремено печење кога се применуваат, но со текот на времето може да ги блокираат болните сензации преку блокирање на ослободувањето на невротрансмитер вклучен во пренесувањето на болката, забележува Giesser.
- Акупунктура
- Mindfulness ( тип на медитација)
- Медитација
- Когнитивна бихејвиорална терапија (CBT)
Ако ниту еден од овие лекови или третмани не ја контролира соодветно болката или непријатноста на кожата предизвикана од МС, можеби во вашиот здравствен тим ќе треба да се вклучи специјалист за болка кој би можел да понуди други алтернативи.
Забелешка: Овој текст има информативен карактер и не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.